Ирактан 79 кыргыз бала мекенге алып келинди (сүрөт)

Ирак Республикасынан 79 кыргыз бала мекенине алып келинди. Бул тууралуу Тышкы иштер министрлигинин маалымат кызматынан билдиришти.

Маалыматка ылайык, балдар 16-мартта «Мээрим» гуманитардык миссиясынын алкагында өлкөгө атайын борт менен учуп келишкен. Бул гуманитардык миссия өмүрү жана ден соолугу үчүн кооптуу абалга кабылган жана мамлекет тарабынан коргоо укугуна ээ болгон балдарды куткарууга багытталган алгачкы репатриациялык иш-чара экендиги белгиленди.

"Ирак тарап менен узакка созулган сүйлөшүүлөрдөн кийин балдарды мекенине кайтарууну даярдоо боюнча тийиштүү иш-чараларды өткөрүү үчүн февралда атайын жумушчу топ жөнөтүлгөн. Балдарды кайтаруу өлкөдөгү бир катар мамлекеттик органдар жана Бириккен улуттар уюмунун Балдар фонду (ЮНИСЕФ) тарабынан көрсөтүлгөн олуттуу жардамдын негизинде жүзөгө ашырылды.

Балдарды алып келүү алардын Иракта калган энелеринин жана балдарды тарбиялоого макулдугун берген туугандарынын уруксаты менен ишке ашырылды", - деп жазылган маалыматта.

Мекенине кайтарылган балдарга Кыргыз өкмөтү тарабынан ар тараптуу жардам бериле турганы да маалымдалды.

Автор: Самира Шарипова
Фото: Тышкы иштер министрлиги

12:41 16-03-2021

Жазылуу

РУБРИКАДАГЫ СОҢКУ КАБАРЛАР

13:51 2025-06-16 | Коом жана турмуш

Кыргызстандын 28 жараны Ирандан эвакуацияланды 73 0

13:38 2025-06-16 | Коом жана турмуш

Садыр Жапаров Ысык-Атада керамика плиткаларын өндүрүүчү заводду ачты 110 0

13:20 2025-06-16 | Түркүн дүйнө

Британ чалгын кызматынын башчылыгына биринчи жолу аял дайындалды 185 0

13:00 2025-06-16 | Кылмыштар, кырсыктар

Бишкекте мыйзамсыз радикалдык диний ячейканын ишмердүүлүгүнө бөгөт коюлду 174 0

11:57 2025-06-16 | Маданият, шоу-бизнес

Актриса Айгерим Саматова экинчи кызын жарыкка алып келди 832 0

11:46 2025-06-16 | Түркүн дүйнө

Латын Америкасында Палестинаны колдоо жүрүштөрү өттү 515 0

Архив

Комментарийлер (12)

Mirlan27011987

2021-03-16 13:05:24

Жаштарга бир гана светтик тарбия жана билим бирилиши керек. Жаш балдар үгүттөөнүн жардамы менен оңой эле диний радикалдарга баш ийүүгө, өзүнүн ой пикири жок болууга үйрөтүлөт. Светтик билим аркылуу өз алдынча ой жүгүртүү жана жаңы идеяларды жаратуу жөндөмүнө үйрөтөлүк.

-12

nursinazar

2021-03-16 13:57:32

Mirlan27011987,Ошол диний сабатсыздыктын кесепетинен радикал уюмдарды ээрчип кетүүдө. Илим ар тараптуу берилиш керек, ошондо гана адам чексиз ой-жүгүртүүгө ээ болот!

+14

zhazgul98

2021-03-16 14:32:03

nursinazar,
Диний адамдар Дин аркылуу орто кылымды идеялдаштырууну коздоп жатышат, жок дегенде кийим кече аркылуу орто кылымга кирип, орто кылымдагы тушунукторду жайылтып жатышат. Буга жол жок

-3

Mister-XXX

2021-03-16 15:16:17

zhazgul98,Өтө жаш кыз окшойсун.Сен тиги Мирлан экөөң топташ ойногулачы.Силер саясат,динге аралашканга азыр эрте.Баргыла ананып кетейиндер,чондордун сөздөрүнө аралашпай,ойноп тургула.

noeli

2021-03-17 08:09:36

nursinazar,динди туура тушунгонго да билим керек негизи.

nursiyanur

2021-03-16 13:47:40

Булгар апалары мн кошо келиптирби?

Aky12

2021-03-16 17:32:19

nursiyanur,жоок, апалары калыптыр

Dolon-3008

2021-03-16 17:07:32

Бул кандайча балдар кандайча Ирака барып калып жатат???? Же жээндер болобу???

JaneEr

2021-03-16 18:30:24

Сирияга,Иракка барбай кысчу жерин кысышса...

bond0202

2021-03-16 18:53:57

Тушундуруп жазса болбойбу?кандай балдар,не себептен ал жакта журушот

Sajakat14

2021-03-16 21:28:14

Кымындай кыздарга кемпирлердикиндей жоолук салып коюшуптур.

prorab

2021-03-17 09:59:40

АЛЛАХГА даңк, жана мактоолор болсун, бул күнөөсүз наристелерди өз өлкөбүздө асырап алары, булар биздин келечегибиз эмеспи.

Комментарий калтыруу үчүн өз ысымыңыз менен кириңиз же каттоодон өтүңүз.