Депутат: "Токтогул ГЭСиндеги суунун көлөмү 8 миллиард кубга жакындап калды"

Жогорку Кеңештин жыйынында депутат Таабалды Тиллаев Токтогул суу сактагычындагы абал боюнча Энергетика министри Кубанычбек Турдубаевге кайрылды.

"Суу сактагычта суу күн сайын азайып бара жатат. Суунун көлөмү 8 миллиард кубга жакындап, коркунучтуу чегине жетип калды. Бул боюнча кандай чаралар көрүлүп жатат?", - деди Тиллаев.

"Суунун деңгээли коркунучтуу чегине жетип калганын айтканбыз. Бул маселени чечүү үчүн сырттан 1 миллиард киловатт электр энергиясын сырттан алып келишибиз керек. Буга байланыштуу Өзбекстан жана Казакстандан электр энергиясын импорттоо боюнча келишимдерге кол коюлуп, 1-марттан тарта электр энергиясы аталган өлкөлөрдөн алынып келинип жатат. Бүгүнкү күнгө чейинкиси 120 миллион киловатт болду. Мындан сырткары Бишкек ЖЭБинде өндүрүлгөн энергияны кеминде 1 миллиар киловаттка жеткиришибиз керек. Үчүнчү кадам ички керектөөнү азайтышыбыз керек. Кандай жол менен азайтуу боюнча сүйлөшүүлөр жүрүп жатат", - деди Турдубаев.

Автор: Бекболот Сарыбаев