реклама
super.kg logo

"Ташиевдин 1 келгенине 8 миң гектар жер бердик, дагы 3-4 жолу келсе кантебиз?". Чек ара маселелерине өзбек интернет коомчулугунун реакциясы

 

24-мартта Өзбекстандын борбору Ташкент шаарында Кыргыз-Өзбек мамлекеттик чек арасын делимитациялоо жана демаркациялоо боюнча өкмөттүк делегациялардын сүйлөшүүсү орун алды. Кыргыз делегациясын жетектеген УКМКнын төрагасы Камчыбек Ташиев 26-мартта маалымат жыйынын өткөрүп, Кыргыз-Өзбек чек арасы боюнча талаш жараткан маселелер 100 пайыз чечилгенин билдирди. Ташиевдин айтымында, эки күн талаш-тартыштан кийин 8 миң гектар жер кыргыз тарапка жазылды. Ал эми Кемпир-Абад суу сактагычы баш болгон бир нече сууларды эки өлкө биргеликте иштетишет.

Мындай маалыматтар коомчулукта ар кандай кайчы пикирлерди пайда кылууда. Айрым социалдык тармактардын колдонуучулары Ташиевдин чыгарган чечимдери тарыхый ката болгонун жазышса , кээ бирлери негизгиси жер алмашуу болсо да маселе чечилгенин, бул эң маанилүү чечим болгонун жазышууда. Мындай карама-каршы пикирлер камтылган талкуулар азыр да басаңдай элек.

Буга байланыштуу чек ара маселелери жөнүндөгү маалыматтарды коңшу Өзбекстандын интернет коомчулугу кандай кабыл алып жаткандыгына сарасеп салып көрүүнү чечтик. Кыргыз интернет коомчулугу сыяктуу эле Өзбекстанда да чек ара тууралуу кабарлар ар кандай талаш-тартышты жаратып, көпчүлүк нааразычылыгын билдирүүдө. Белгилей кетчү жагдай, өзбек бийлиги чек ара маселелерине байланышкан эки тараптын сүйлөшүүлөрүнүн жыйынтыктары тууралуу расмий маалымат тараткан эмес. Жергиликтүү басылмалар Камчыбек Ташиевдин маалымат жыйынын кыргыз ЖМКларына шилтеме берүү менен чагылдырышууда.

Жамшид Достов аттуу интернет колдонуучусу өзбек бийлигинен расмий, ачык маалымат берүүнү талап кылып, андай болбосо келечекте чоң келишпөөчүлүк болушу мүмкүн экенин жазган.

"Биздин бийлик да расмий маалымат берсин. Кандай негизде, канча гектар жер коңшуларга берилгенин биз да билүүгө укугубуз бар. Бизге да кыргыз бийлигиндей ачык бийлик керек", - деп жазган ал.

Ал эми Платон Чистяков аттуу колдонуучу бир өлкө утуп, бир өлкө утулду деген түшүнүк болбошу керек экендигин белгилеген.

"Өзбек ССРинин пахта эгилген көп аянттуу талааларын суу менен камсыз кылуу үчүн Кыргыз СССРи Ош облусунан 1000 гектар жерди суу сактагыч курууга бөлүп берген. Анын ордуна өзбек тарап башка чектеш аймактан 1000 гектар жер бериши керек эле. 50 жыл өткөндөн кийин ал келишим ишке ашып отурат. Суу сактагычтагы суунун 95 пайызын өзбек дыйкандары колдонушат. Ошондуктан уткан же утулган тарап жок, болгону боордоштук түшүнүшүү, тилектештик менен маселелер чечилип отурат", - деп жазган Чистяков.

Жахангир Мурадов: "Жер жүзүнүн 6дан бир бөлүгүнө ээ болгон Орусия да Японияга Курил аралдарынын бир бөлүгүн да бербей койгон. А эмнеге биз 8 миң гектар жерди берип койдук?"

Шахрух Кудайбергенов: "Силерге да чечимдер бир гана Кыргыз өлкөсүнүн пайдасына чечилгендей болуп сезилип жатабы?"

Халимжан Хамроалиев: "Ислам Каримов патриот адам болгон экен. Жайы жаннаттан болсун! Анын тушунда чек аралар жабык болуп, бир карыш жерибизди башкаларга алдырган эмес. 5-6 миллион кыргыз эли ынтымактуу, бири-бирин колдоп турушат. Ошондуктан алардын бийлиги элинен коркуп, ачык-айкын маалымат таратып жатышат. 34 миллион калкыбыз бар биздин бийлик андай кылбады. Кыргыздардын президенти Садыр Жапаров "силерден 40 жыл арттабыз" деп биздин бийликти мактап туруп, жердин баарын алып кетти".

Умид Бахрамов: "Ошончо жерди бергенден кийин Сох анклавына коридор алса болмок да".

Бахтияр Иноятов: "Чечме" булагын бирге пайдалана турган болуптурбу? Жакшы болуптур. Биздин бийлик деле бир нерсени көздөгөн үчүн ушунча жерди берсе керек менин оюмча".

Асомиддин Ибрагимов: "Арты кайырлуу болсун".

Хурайра Абуталиб: "Бир туугандардын ортосунда "меники" жана "сеники" деген түшүнүк болбошу керек".
Фармон Саипов: "Ташиев кыйын адам экен. Анын 1 келгенине 8 миң гектар жер бердик, дагы 3-4 жолу келсе кантебиз?"





 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 1 
Комментарийлер(12)
29.03.2021. 17:47 
Тайпасы:
Жаран
Комментарийлердин саны:
25
Катталган:
29-05-2020
Соӊку аракети:
14-04-2021 18:41
Жынысы:
Белгисиз
+5
Арты кайырлуу болсун. Ха ха хаааа
29.03.2021. 17:47 
Тайпасы:
Жаран
Комментарийлердин саны:
183
Катталган:
18-09-2020
Соӊку аракети:
14-04-2021 19:23
Жынысы:
Белгисиз
+26
Аларда айтпай жатышат биздин канча жер бергенибизди эртеби кечпи билинет канча берди бербеди
29.03.2021. 17:51 
Тайпасы:
Жаран
Комментарийлердин саны:
539
Катталган:
22-07-2016
Соӊку аракети:
15-04-2021 01:58
Жынысы:
Белгисиз
+17
Күтүп тургула туугандар, Ташиевди дагы жөнөтөбүз)))
29.03.2021. 18:50 
Тайпасы:
Жаран
Комментарийлердин саны:
405
Катталган:
05-11-2019
Соӊку аракети:
14-04-2021 22:03
Жынысы:
Белгисиз
+27
Гестердин баарын алдыңар дагы арманынар барбы сууларыбызды каалагандай пайдаланасынар эгер Өзбекстандан Кыргызстан суу алганда мынчалык эркелетмек эмессиңер.
29.03.2021. 20:11 
Тайпасы:
Жаран
Комментарийлердин саны:
19
Катталган:
04-11-2010
Соӊку аракети:
14-04-2021 19:34
Жынысы:
Белгисиз
Калаасы:
Бишкек
+17
Ташиев тарыхта жер сатты болуп калдыныз. Озубуздун жерлерди соодалашып, Кемпир Абад толугу менен биздики эле. Унгар Тоо да биздин жер болчу. 20машина берсе алдандынар ал 20жылда эскирип жок болот. Кемпир Абадта суунун ордун сатып кыргызга кыянат кылдыныз.
29.03.2021. 20:47 
Тайпасы:
Жаран
Комментарийлердин саны:
926
Катталган:
25-01-2016
Соӊку аракети:
14-04-2021 21:18
Жынысы:
Белгисиз
-13
kanatt,дөөрүбөчү дөбдүр.
30.03.2021. 13:44 
Тайпасы:
Жаран
Комментарийлердин саны:
184
Катталган:
28-12-2013
Соӊку аракети:
14-04-2021 15:33
Жынысы:
Белгисиз
0
Өзү бизди тарыхтагылар иритип чириткен да.Жерди алганан кийин ошол жерге сразу эле зым,темир-тезектер менен жакшына кылып тосуп койсо,сеники меники болбойт эле азыр. Азыркылар окубай туруп депутат болуп алгандар. Тарых түгүл өзүнүн жети атасын да билбейт. Жерди кыйынчылык менен күрөшүп алгандан кийин балдарга келечекке деп нормальный от и до кылып тосуп койгондо болмок.Тарыхтагылар баатыр болгону менен анын уулдары бокко тоёр болуп чыкты...бири да чечкиндүү эмес,чынчыл,честный эмес
29.03.2021. 20:23 
Тайпасы:
Жаран
Комментарийлердин саны:
672
Катталган:
01-05-2017
Соӊку аракети:
15-04-2021 03:08
Жынысы:
Белгисиз
-7
Диван эксперт болбой : барып кылбайсынарбы
29.03.2021. 21:21 
Тайпасы:
Жаран
Комментарийлердин саны:
439
Катталган:
11-10-2013
Соӊку аракети:
14-04-2021 23:17
Жынысы:
Белгисиз
Калаасы:
Аксы
+24
Кыргызды жоошутуш учун даярдалган фейктер жазып койду да.Антип ачык жаза албайт озбектер,бийлик тараптан уюштурулган бир топ фейк аккаунт менен жазып коюшту.Кыргыз аткаминерлеринин отунучу менен менин оюмча.
29.03.2021. 22:59 
Тайпасы:
Жаран
Комментарийлердин саны:
36
Катталган:
18-07-2017
Соӊку аракети:
15-04-2021 01:30
Жынысы:
Белгисиз
+10
aslan_akjol89,Туура айтасың,Өзбек туугандар куу келет,Кыргызга оңой менен жер бербейт
30.03.2021. 08:57 
Тайпасы:
Жаран
Комментарийлердин саны:
50
Катталган:
31-12-2014
Соӊку аракети:
14-04-2021 21:58
Жынысы:
Белгисиз
Калаасы:
Кыргызстан.
-4
Ташиев дагы барат
30.03.2021. 11:26 
Тайпасы:
Жаран
Комментарийлердин саны:
95
Катталган:
06-02-2015
Соӊку аракети:
13-04-2021 12:55
Жынысы:
Белгисиз
Калаасы:
Кызыл кыя шаары
0
Кемпир абадтты берди деген келечекте туштукту экиге болуп койду деген менен барабан. Келечекте ар турдуу нерселер болушу мумкун. Эртен озбектер кемпир абадтты айлантып зым тосуп Озгон менен Жалал абадттын ортосундагы жолго тоскоолдук жаратса эмне болот же дагы тоолор аркылуу жол салабызбы Кадамжай менен Ворух анклабына окшотуп
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 2 колдонуучу (Катталган: 0, коноктор: 2) бул кабарды окуду:

Кабарлардын саны:
165685;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: