Ошто COVID-19'га каршы эмдөө иштери жүрүүдө

Тектеш кабарлар: Дүйнөгө тараган коронавирус боюнча башка маалыматтар (8926 материал)

Бүгүн, 29-мартта Ош шаарынын №1 үй-бүлөлүк дарыгерлер борборунда коронавируска каршы эмдөө иштери башталды. Бул тууралуу шаардык муниципалитеттен билдиришти.

Билдирүүгө ылайык, коронавирустун биринчи этаптагы эмдөө иштери менен вице-мэр Эмиль Шадыканов таанышты.

"Ошко биринчи дозадагы 300 даана "Синофарм" вакцинасы келип түшкөн. Вакцина Дүйнөлүк саламаттыкты сактоо уюму тарабынан каттоодон өткөн. Ошондуктан эч кандай коркуунун кажети жок. Алгач вакцинаны медициналык кызматкерлер, мугалимдер, милиция кызматкерлери алышат", - деп жазылат маалыматта.

Белгилей кетсек, эмдөө алгач Бишкек шаарында, Чүй өрөөнүндө жана Ош облусунда башталды. Өткөн аптада өлкөгө Кытай Эл Республикасынан акысыз негизде COVID-19га каршы 150 миң доза SinoPfarm вакцинасы келген. Ал 75 миң адамга эсептелген.

Коронавируска каршы эмдөөдөн өтүү этаптарын шилтеме аркылуу кирип окуй аласыз.