"Суу кайда кетип жатканын деле билбейм". Токтогул суу сактагычында суу азайгандыктан жээгинде адамдардын сөөктөрү чыкты

Буга чейин социалдык тармактарда Токтогул суу сактагычынын жээгиндеги суунун көлөмү азайып кеткендиктен, ал жерде адамдардын сөөктөрү чыгып жатканы тартылган видеолор тараган. Бул боюнча Токтогул районуна караштуу Көтөрмө айылынын тургуну Сүйүнтбек Чотуров төмөнкүлөрдү билдирди.

"Токтогул суу сактагычындагы суунун көлөмү азайгандыктан жээктен адамдардын сөөктөрү чыгып баштады. Бул жерде мурун айыл болгон. Ошондо мүрзөлөр калган да. Бул сөөктөр үч муун мурунку адамдарга таандык. Февраль айынын аягында суу азайган сайын мүрзөлөр ачылып, жээкке адамдын сөөктөрү чыга баштады.

Эки баламды ээрчитип алып, чыгып калган сөөктөрдү көмүп жатканбыз. Бирок акыркы учурда сөөктөр массалык түрдө чыгып кетти. Ошондуктан элден жардам сурадым. Кечээ район боюнча эл, шаар мэри, акимдин катышуусунда сөөктөрдү терип, атайын жай казып көмүп, куран окуттук. 15 мүшөктөй сөөк чогулттук. Сөөктөрдүн баарын тизе алган жокпуз. Бирок аларды бөлүштүрүп көмдүк. Суу сактагычтын жээгин адамдын сөөктөрүнөн тазаладык.

Буга чейин аталган суу сактагычтын алдында айыл болуп, ал Токтогул ГЭСи курулган учурда айыл эли башка аймактарга көчүрүлгөн. Менин аталарым, чоң аталарым бардыгы ошол жерде жашаган. 1967-1968-жылдары айылды көчүрүү иштери башталган. Ошондо 1970-жылы аталган аймактан көчүп чыгып кетишкенин аталарыбыз айтып калышчу. Мен кантип ата-бабаларымдын сөөгүн таштап коёюн.

Суу сактагычтагы суунун көлөмү бала кезимден бери мынчалык деңгээлде азайган эмес. Быйыл суу өзгөчө азайды. Суу кайда кетип жатканын деле билбейм", - деди Сүйүнтбек Чотуров.

Белгилей кетсек, Токтогул суу сактагычында суунун көлөмү 1-апрелге карата 8 миллиард 716 миллион метр кубду түздү. Суунун орточо күндүк агып кириши секундасына 174 метр куб, агып чыгышы 313 метр кубду түзүүдө.

"Суу кайда кетип жатканын деле билбейм". Токтогул суу сактагычында адамдардын сөөктөрү чыкты

Автор: Айжанар Рыспек кызы
Фото: Сүйүнтбек Чотуров

18:32 01-04-2021

Жазылуу

РУБРИКАДАГЫ СОҢКУ КАБАРЛАР

23:46 2025-06-30 | Коом жана турмуш

"1000ге жеткиришибиз керек". Ташиев чаткалдыктарга өзгөчө тапшырма койду (видео) 637 0

23:18 2025-06-30 | Түркүн дүйнө

НАТОнун саммити 2026-жылы Анкарада өтөт 224 0

23:06 2025-06-30 | Түркүн дүйнө

Иран Украинанын Тегерандагы өкүлүнө нааразылык нотасын тапшырды 688 0

22:45 2025-06-30 | Кылмыштар, кырсыктар

УКМК Бишкек менен Чүйдө жер тилкелери мамлекетке алынганын билдирди 359 0

22:31 2025-06-30 | Түркүн дүйнө

Сирия жакынкы ааралыкта Израил менен тынчтык түзүшү мүмкүн 402 0

22:02 2025-06-30 | Түркүн дүйнө

Трамп Сирияга каршы санкцияларды жеңилдеткен буйрукка кол коёт 382 0

Архив

Комментарийлер (9)

nazira...

2021-04-01 18:54:13

Элди көчүргөндө эмне үчүн көрүстөндү да көчүрүшкөн эмес.

bekalife

2021-04-01 22:18:57

nazira...,горлорду казып дейсинби. Сындатып эле койсо болду

nazira...

2021-04-02 07:13:40

bekalife,мусулмансынбы, такыбалардан сурап ал көрүстөндү көчүрөбү, же көчүрбөйбү.

bond02

2021-04-01 19:02:00

Сооп иш кылып жатыпсынар.

+17

Elaman0693

2021-04-01 19:25:45

Bond02 биринчи жолу сенден жакшы комментарий окуп жатам, молодец Ден соолук жакшы, омурун узун болсун!

bond02

2021-04-01 20:21:01

Elaman0693,ичип ийе турган каалоо тилек айттын го.

Ajara_13

2021-04-03 22:46:59

Elaman0693,))

Sajakat14

2021-04-02 09:20:39

Жер планетасы жыл сайын ысып жатат глобалдуу түрдө! Ошон үчүн мөңгүлөр дагы азайып баратат. Кыргызстандын сууларынын запастары мөңгүлөр! Өзбекстан менен ГЕСтин курбай канча миллиондогон долларларды коротуп андан көрө күн менен, шамал менен иштелип чыккан электр энергиясы боюнча ойлонушубуз керек болчу! Ар кайсыл тоолорубуздан алтын иштетип, мөңгүлөрдүн өтө тез ээришине жол ачып берип койдук башкасы аз келгенсип! Орто Азиянын суусуз калышы абдан жакындап келе жатат! Ойлонгон киши жок!

batleybesh

2021-04-02 12:10:48

Sajakat14,сенда ойлонуп кордунбу анан, оозуна келгенин оттоп жатасынго. Миллиондогон акчаны каяктан алат??? Башыны иштетчи айланайын!! Карыз, бюджет тартыш, канча нерселер эскирип жатат, гэстер жетишпей жатат энергияга талап оскондуктон!! Сен каяктагыны суйлойсунго

Комментарий калтыруу үчүн өз ысымыңыз менен кириңиз же каттоодон өтүңүз.

"Суу кайда кетип жатканын деле билбейм". Токтогул суу сактагычында суу азайгандыктан жээгинде адамдардын сөөктөрү чыкты

&quot;Суу кайда кетип жатканын деле билбейм&quot;. Токтогул суу сактагычында адамдардын сөөктөрү чыкты

РУБРИКАДАГЫ СОҢКУ КАБАРЛАР

"Суу кайда кетип жатканын деле билбейм". Токтогул суу сактагычында адамдардын сөөктөрү чыкты