"Бир баш аюуга бир миллион сом доо коюлат". Жалал-Абадда Кызыл китепке кирген аюуну өлтүргөн жаран аныкталды

Жалал-Абад облусунун Кызыл-Үңкүр айылынын тоолорунан Кызыл китепке кирген аюуну өлтүрүп, терисин алып кетип бараткан жаран кармалган. Бул тууралуу SUPER.KG порталы Биотүрдүүлүктү сактоо жана өзгөчө корголуучу жаратылыш аймактары департаментинин Жалал-Абад өкүлчүлүгүнүн башчысы Туратбек Сатимбаевге байланышканыбызда билдирди.

"Ушул жылдын 9-апрель күнү бизге тоодон бирөө рюкзак көтөрүп түшүп кетти, анда аюу болушу мүмкүн деген маалымат түшкөн. Жалал-Абад облусунун Базар-Коргон районуна караштуу Кызыл-Үңкүр айылына барган убакта рюкзак көтөрүп бир киши келе жаткан экен. Ал кишиге жолугуп, кармаганча ал сумкасын таштын арасына беките салды. Биз ушул окшойт деп кармасак, чындап эле сумкасынан бир баш аюунун териси чыкты. Кармаган соң ал өз күнөөсүн моюнуна алып, чындыгында ушул аюуну тузак менен кармагам деп түшүнүк кат жазып берди.

Ал аталган айылдын токой чарбасында бал челек кармайт экен. Бул аюу бал челектерди талкалай бергенинен тузак коюп, аюу түшүп калгандан кийин башка чаап өлтүргөн. Эти ошол жакта калып, терисин алып келе жаткан. Биз ошол жерде токой чарбанын бир кызматкерин кошуп, төртөөбүз акт түздүк. Эртеси дем алыш күндөрү болуп калганына байланыштуу бүгүн, 12-апрелде Жалал-Абад облустук ички иштер башкармалыгына материалды өткөрүп бердик. Кыргыз Республикасынын өкмөтүнүн 2013-жылынын 3-майындагы 224-токтомуна (2020-жылдын 7-декабрындагы 595-токтому менен өзгөртүү киргизилген) ылайык бир баш аюуга бир миллион сом доо коюлат", - деди Сатимбаев.

2020-жылдын аягындагы санак боюнча Жалал-Абад облусунда Кызыл китепке кирген 234 аюу бар.

Автор: Айзада Кыдырмышева
Фото: Туратбек Сатимбаев

16:38 12-04-2021

Жазылуу

РУБРИКАДАГЫ СОҢКУ КАБАРЛАР

23:45 2025-05-27 | Түркүн дүйнө

"От менен ойноп жатат". Трамп кайрадан Путинди сынга алды 152 0

23:26 2025-05-27 | Коом жана турмуш

Бишкекте жана Ошто жаңы аэровокзалдарды куруу иштери кызуу жүрүүдө (видео) 155 0

23:05 2025-05-27 | Кылмыштар, кырсыктар

Кара-Кулжада 38 жаштагы аялдын өлүмүнө шектелип күйөөсү кармалды 373 0

22:45 2025-05-27 | Саясат

Адылбек Касымалиев Франциянын тышкы соода министрин кабыл алды 173 0

21:38 2025-05-27 | Саясат

Садыр Жапаров "Капитал банктын" айланасындагы кептер боюнча комментарий берди 690 0

21:20 2025-05-27 | Саясат

Бишкекте кыргыз-француз алакасынын актуалдуу маселелери талкууланды 192 0

Архив

Комментарийлер (5)

Belek1710

2021-04-12 17:33:11

Анан эмне кылат бечара, бал челегин талкалап жатса. эми эмне кылат 1млн.

-1

munduz2016

2021-04-12 17:40:45

Бир байкуш экен да бал челек менен тирилик кылган.

-1

Kombi

2021-04-12 17:48:33

Бал челекти ограждения кылуу керек.
Жалко экооно тен

AdylbekB84

2021-04-12 20:12:48

Бал челеги шылтоо болгондой көрүнүп турат, мыйзамдан качуу аракетиндей, өлтүргөн адам терисин өтө кылдаттык менен сыйырып албайт, башын дагы этияттык менен кесип алыптыр. Сатам деп эле ойлоп өлтүргөн, бал челектер тоого чыгышка али эрте, июнь- июль айларында чыгат, качан тоодогу гүлдөр ачылганда!

Kadyrova_

2021-04-13 10:48:19

Бул биринчи жолу өлтүргөндөй эмеско терини жөн адам сыйрый албайтта төмөндө жазылгандай кылдатык менен сыйрыптыр.бул көп эле жолу өлтүрүп жүргөн аюуну.билинип эле турбайбы.чындап бал челектерин талкалаган болсо сүрөткө тартып тийиштүү жерлерге кайрылыш керекда.

Комментарий калтыруу үчүн өз ысымыңыз менен кириңиз же каттоодон өтүңүз.