Элмирбек Иманалиевдин эжеси: "Элмирдей адам тукумунан чыгат деп ишенем"

Чындыкка тик караган ак таңдай акын, комузчу, Кыргыз Республикасынын Эл артисти Элмирбек Иманалиев 42 жаш курагында 2020-жылдын 20-апрелинде мезгилсиз дүйнөдөн кайткан. Андан бери бир жыл өттү. Жылдызын учурган кыргыз өзүн анын ырлары, чыгармалары менен сооротуп жүргөн кези.

Биздин студиябыздын коногу бир жыл ичинде бир мүнөткө да инисин унутпаган бир тууган эжеси Нурайым Иманалиева көзүнө жаш алып, акындын улуулугун, жан дүйнөсүнүн сулуулугун, сөз менен жеткирип бере албаган сезимдери менен бөлүштү.

Маек башында эскерткендей эле көзгө жаш алдырган суроолорду көп бербей, агайдын жакшы күндөрүн эстеп отурууну чечтик.