реклама
super.kg logo

Жогорку Кеңештин төрагасы: "Трансчекаралык дарыяларды булгаганы үчүн "Центерра Голд" компаниясынын жоопкерчилигин кароо керек"

 

"Центерра Голд" компаниясынын жоопкерчилигин кароо керек. Бул тууралуу бүгүн, 17-майда парламенттин кезексиз жыйынында Жогорку Кеңештин төрагасы Талант Мамытов билдирди.

Мамытов канадалык компания тарабынан экологиялык мыйзамдарды бузуу Кыргыз мамлекетинин гана эмес, Сыр-Дарыя менен Аму-Дарыянын төмөнкү агымында жайгашкан аймактардагы башка өлкөлөрүнүн кызыкчылыктарына да таасир этерин белгилеп, ушунун баарын эсептөөнү сунуштады. "Бул маселе биз ойлогондон дагы кененирээк каралышы керек, анткени мөңгүлөрдүн талкаланып, суу ресурстарынын булганышы биздин мамлекетке гана эмес, коӊшу өлкөлөргө дагы зыянын тийгизип жатат. Доонун көлөмү кыйла көбөйөт деп болжолдой алабызбы?", - деген собол салды ал.

Экология жана климат боюнча комитеттин төрайымы Динара Кутманова "Центерра Голд" компаниясына коюлган доо мындан дагы көбөйүшү мүмкүн экенин билдирди. "Дагы экологияны бузган эки факты боюнча талдоо жүргүзүлүп жатат. "Айлана-чөйрөнү коргоо жөнүндө" мыйзамдын 15-беренесинде суу ресурстарын булгаганы үчүн айыптар каралган. Эгер компаниянын айлана-чөйрөгө зыян келтиргени тастыкталса, тиешелүү чаралар көрүлүүгө тийиш", - деди ал.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
170512;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: