ЭЛДИК КАБАР: "Баткендин Жаштык айылындагы каналда суу жок, эгиндер куурай баштады" дейт окурман

SUPER.KG порталынын "ЭЛДИК КАБАР" бөлүмүнө Баткен облусунун Лейлек районундагы Жаштык айылынын тургуну кайрылды. Анда ал айылдагы каналга суу келбей, дыйкандар жабыр тартып жатканын айтты.

"Айылыбыз Тажикстан менен чектешкен, чек ара жаңжалында эл көчүп чыккан айылдардын бири. Азыркы убакта күн катуу ысып 30-35 градуска көтөрүлүп жатат. Каналда суу жок. Бир күн акса, үч-төрт күн жок болот. Элдин мээнет менен күн көрүп, үмүт кылган эгиндери, арпа, буудайы бышпай куурай баштады.

Айылыбыздын эли өрүк менен күн көргөндүктөн, көп жылдык бак-дарактар да куурап жатат. Азыр суу маселеси ушундай болсо эртең жайдын ысык күнүндө айылыбыз кургап чөлгө айланат.

Жылдын башында премьер-министрибиз Улукбек Мариповдун ар бир айылда арык, каналдарда суу болсун. Өзүм барып текшерем деген сөзү бар. Биздин айылыбызда суу эң көйгөйлүү меселе", - деп кайрылган окурман.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.

Автор: Айжанар Рыспек кызы
Фото: Окурман

16:33 20-05-2021

Жазылуу

РУБРИКАДАГЫ СОҢКУ КАБАРЛАР

12:55 2025-04-30 | Саясат

Камила Талиева министр Жамангуловго "эки" деген баа койду (видео) 45 0

12:30 2025-04-30 | Кылмыштар, кырсыктар

ИИМ окуучулардын дааратканада сабалышы Казакстанда болгонун билдирди 204 0

12:20 2025-04-30 | Коом жана турмуш

Эскертүү! Боомдо таш кулатуу иштери жүргүзүлөт. Качан? 86 0

12:00 2025-04-30 | Саясат

Жылдыз Садырбаева парламенттин вице-спикерлигине шайланды (видео) 320 0

11:52 2025-04-30 | Коом жана турмуш

Автобуста орун бошоткон кызга рахмат айтып, комуз менен ырдаган кишинин видеосу тарады (видео) 476 0

11:49 2025-04-30 | Бизнес-Инфо

iPhone популярдуу моделдери пайдалуу баа менен — сиздин шаарда! 154 0

Архив

Комментарийлер (4)

munduz2016

2021-05-20 16:41:01

Курукчулук бизде деле.Жылдан жылга жыл бетер болуп атат.

zilish_kg

2021-05-20 18:19:25

Суунун башы өзүбүздө, сууну бүткүл Кыргызстандын аймагында биринчи өзүбүздүн жерлерге кенен жеткирип анан калганын кошуналарга бериш керек.

Bazana

2021-05-20 18:26:01

Бул суу тажикистандын сыр дарыясынан келет, тажиктер сууду бууп салыптырда значит

Kari

2021-05-20 19:38:23

Кадамжай районунда да ушул эле акыбал.Жаз келгенден бери эгиндер,бак дарактар бир жолу суугарылган боюнча.Канал Озбекистандыкы,башы да Озбекстанда.Кыргызтан каналы кичинекей,ондошту.Ошондо да суу аз.Той маареке кетирген акчаны ушул каналдарды ондогонго,жолдорду ондогонго жумшасак.Эл эмне дейт дебей,келечек муун учун шарттарды ондосок.
Аралдын кургап кетишине Озбекстан канчалык денгээлде куноолуу болсо керек,дын жерлерди оздоштуруп,пахта жетиштирип.Биз озубуздо барды неге колдоно албайбыз.

Комментарий калтыруу үчүн өз ысымыңыз менен кириңиз же каттоодон өтүңүз.