Саламаттыкты сактоо министри: "Владимир Путин уу коргошун тууралуу Садыр Жапаровдон маалымат алган"

Кыргыз өлкөсүнүн президенти Садыр Жапаровдун Орусияга болгон иш сапарынын алкагында Владимир Путин менен уу коргошун тууралуу сүйлөшүшкөн. Бул тууралуу саламаттыкты сактоо жана социалдык өнүктүрүү министри Алымкадыр Бейшеналиев SUPER.KG порталына билдирди.

"Владимир Владимирович менен Садыр Нуркожоевич жолукканда Путин уу коргошун тууралуу сураптыр. Өлкө башчысы Садыр Жапаров уу коргошун коронавируска каршы колдонулуп жаткандыгы тууралуу айтып кеңири маалымат бериптир.

Ошондой эле алар Sputnik V вакцинасы тууралуу дагы сүйлөшкөн жана жакынкы күндөрү бул вакцинанын жаңы партиясы Кыргыз өлкөсүнө келери күтүлүүдө", - деди Бейшеналиев.

Автор: Ырыскелди Салбаров