"Ак шумкарлар" Мьянманы 1:8 эсебинде жеңип алды. Алдыда Япония курамасы менен беттешет

Калыс ышкырыгын жаңыртты. Эсеп саны 1:8. "Ак шумкарлар" Мьянманы 7 топ айырмачылыгында жеңип алды. Алдыда Япония.

Башкы калыс оюнга кошумча 2 мүнөт кошуп берди.

Ахлидин Исраилов каршылаштарынын дарбазасынын жанында укмуштуудай ачыла алды. Ал топко толук кандуу жете албай, топ дарбаза мамысынан өйдө кетти.

Керемет! Элдар Молдожунусов атаандашынан өзү топту тартып алып дарбазага сокку узатты. Анын соккусу дарбаза мамысына жакын өтүп, кооптуу абал жаралды.

Мьянма курамасы акырындап көбүрөөк топко ээлик кылууда.  Ал ортодо алардын уюштурган чабуулун Айзар Акматов токтото алды.

Мьянма курамасында кезектеги алмашуу орун алды.  Дегичекти болбой го-о-о-о-л! Мирлан Мурзаев дээрлик ачык дарбазага топту багыттап, бүгүнкү беттештеги хет-тригин жасады.

Мирлан Мурзаев Элдар Молдожунусовго мыкты чыгарып берүү жасаган. Тилекке каршы, Элдар офсайд абалында болуп калды.

Топ "Ак шумкарлардын" карамагында көбүрөөк кармалууда. Кыргыз курамасы атаандаштардын оюн талаасын толугу менен көзөмөлгө алып, өз кезегинде чабуулга чыгып жатышат.

Мьянма курамасы бүгүнкү беттештеги алгачкы голун жаратты. Эсеп саны 1:7.

Кыргыз курамасында алмашуу: Турсунали Рустамовдун ордуна Мустафа Юсупов талаага чыкты.

62-мүнөт. 0:7. Абай Боколеев эч кандай кыйынчылыксыз атаандаштын дарбазасына таамай топту багыттады.

Ой! Го-о-о-о-л! Кереме-е-е-т! Мирлан Мурзаев алыскы аралыктын бүгүнкү беттештеги экинчи укмуштуудай голун жаратты. Эсеп саны 0:6.

"Ак шумкарлардын" карамагында алмашуу: Гүлжигит Алыкуловдун ордуна Элдар Молдожунусов, Эдгар Бернхардттын ордуна Муролим Ахмедов оюн талаасына чыкты. 

Атаандаштар "Ак шумкарлардын" дарбазасына дагы бир кооптуу сокку узатты. Бактыга жараша, топ дарбаза мамысынан өйдө кетти. 

Кыргыз дарбазасына алгачкы сокку. Мьянма курамасынын футболчусунун узаткан соккусун Эрнист Батырканов оңой эле тосуп алды.

Оюндун 50-мүнөтү: Мьянма курамасы өздөрүнүн талаасында топко көбүрөөк ээлик кылууда.

Гүлжигит Алыкуловго карата оюн эрежесин бузгандыгы үчүн каршылаштардын 12-катар саны менен ойногон оюнчусу сары айып кагазын алды.

Турсунали Рустамов каршылаштарга каршы оюн эрежесин бузгандыгы үчүн сары айып кагазын алды.

Экинчи бөлүк башталды. Кыргыз курамасында алмашуу. Фархат Мусабековдун ордуна Ахлидин Исраилов талаага чыкты.

Оюндун биринчи бөлүгү аяктады.

Керемет гооол! Мирлан Мурзаев Гүлжигит Алыкуловдун чыгарып берүүсүн өзү аркылуу тээп (через себя), укмуштуудай гол жаратты.

Калыс оюнга кошумча 1 мүнөт кошуп берди.

Гооол!! Алимардон Шүкүров Гүлжигит Алыкуловдун чыгарып берүүсүнөн кийин каршылаштын дарбазасынын бурчуна акырын гана топту тоголотуп гол жаратты.

Каршылаштардын дарбазасында укмуштуудай пас алмашуу. Тилекке каршы, Александр Мищенко офсайд абалында болуп калды.

Алимардон Шүкүров Мирлан Мурзаевдин укмуштуудай чыгарып берүүсүндө дарбазачы менен жекеме-жеке болуп калды. Сокку узатканда тилекке каршы Мьянма дарбазачысы топту тосуп кетти.

Гоооооллл!!! Фархат Мусабеков каршылаштын дарбазасына сол буту менен укмуштуудай сокку узатып, гол жаратты. 

Фархат Мусабеков Мьянма оюнчусуна карата эреже бузуп, калыс ышкырыгын жаңыртты.

Гоооол! Гүлжигит Алыкулов өзүнүн стилинде. Ал эки коргоочуну жазгырып өтүп, оң буту менен топту дарбазага таамай багыттады.

Мьянма курамасында алмашуу, 9-номурдагы футболчунун ордуна 7-катар санындагы футболчу талаага чыкты.

Алимардон Шүкүров башка тээп алган Мьянма курамасынын оюнчусуна калыс кызыл айып кагазын көрсөттү.

Гоооол! Мирлан Мурзаевдин чыгарып берүүсүн Турсунали Рустамов башы менен дарбазага таамай багыттады.

Мьянма курамасы өз кезегинде топту тартып алып, чабуулга чыгуу аракетин көрүп жатат. Бирок, Кыргыз коргоочулары аларды токтотуп калууда. 

Гүлжигит Алыкулов дарбазага жер менен сокку узата алды. Каршылаштардын дарбазачысы өз ордунда.

Бактияр Дүйшөбекөв өз айып аянтчасынан Мирлан Мурзаевгу узун чыгарып берүү жасады. Пас катуу болгондуктан Мурзаев топко жете алган жок.

Кыргыз курамасынын карамагындагы үчүнчү бурчтан чыгарып берүү. Дарбазачы топко биринчи жетти. Ошол эле мезгилде Абай Боколеев офсайд абалында калып калды.

Кыргыз курамасынан карамагындагы экинчи бурчтан чыгарып берүү. Александр Мищенко топто.

Алимардон Шүкүров Абай Боколеевге жакшы чыгарып берүү жасады, Тилекке каршы Абай топко жете алган жок.

Алимардон Шүкүров атаандаштын дарбазасына кубаттуу сокку узатты. Бирок топ дарбаза торунан сыртка кетти.

Алимардон Шүкүров каршылаштардын дарбазасына мыкты деңгээлде кирип баруу жазады. Бирок топ кыргыз футболчусуна тийип сызыктан чыкты.

Топту Кыргыз курамасы көбүрөөк өзүндө кармап жатат. Ал ортодо Айзар Акматовго каршы оюн эрежеси бузулду.

Калыс ышкырыгын жаңыртты. Топту оюнга Мьянма курамасы кошту.

"Ак шумкарлар" оюнга даяр. Команда чогулуп сүйлөшүү кылды.