реклама
super.kg logo

Кыргыз өлкөсүнүн 20 ординатору Түркиядагы бейтапканалардан эки жыл акысыз тажрыйба арттыруусу боюнча макулдашылды

 

Саламаттыкты сактоо жана социалдык өнүктүрүү министри Алымкадыр Бейшеналиев президент Садыр Жапаровдун Түркияга болгон расмий иш сапарынын алкагында жетишилген келишимдер жөнүндө айтып берди. Бул тууралуу президенттик администрациянын басма сөз кызматынан билдиришти.

Анын айтымында, мамлекет башчынын Түркия президенти Режеп Тайып Эрдоган менен эки тараптуу сүйлөшүүлөрүнүн алкагында, түрк тарап Бишкек шаарындагы "Достук" кыргыз-түрк бейтапканасы боюнча бардык маселелер чечилет деп ишендирди.

Ал Түркиянын саламаттыкты сактоо министри Фахреттин Кожа менен жолугушууда жакында Бишкекке түркиялык дарыгерлер тобу келип, кыргыз адистери менен биргеликте "Достук" бейтапканасын иштетүүгө даярдап баштоосу боюнча келишимге жетишилгенин баса белгиледи.

"Үч жылдан бери бейтапкана иштөөгө даяр болгону менен иштебей туруп калган эле. Анткени тараптар айрым маселелер боюнча бир пикирге келе алышкан эмес. Азыр биз орток пикирге келдик, жакын арада оорукана иштей баштайт. Кыргыз тарап бардык керектүү документтерди даярдашы керек. Клиника заманбап жабдуулар менен жабдылган. Биз буга чейин Түркияга операцияга квота менен жиберип келген бейтаптарга эми бул ооруканадан эле операция жасап баштайбыз. Бейтаптарды Түркияга жөнөтүү программасы пандемияга байланыштуу да убактылуу токтоп калган эле", - деди Алымкадыр Бейшеналиев.

Тараптар ошондой эле Кыргыз мамлекетинин 20 ординатору Түркиядагы мыкты бейтапканалардан эки жыл акысыз тажрыйба арттырууга адистештирүүдөн өтүүсү боюнча макулдашты. Кыргыз мамлекетинде сынак жарыяланып, күзгө чейин тандалган мыкты дарыгерлер эң муктаж болгон адистиктер боюнча окууга жөнөтүлөт.

"Ошону менен бирге Түркиянын фармацевтикалык бейтапканалары Кыргыз өлкөсүнө керектүү дары-дармектерден жардам берүүнү көздөп жатышат. Кыргыз мамлекетине фармацевтикалык завод куруу же керектүү дары-дармектерди түздөн-түз өндүрүүчүлөрдөн сатып алуу боюнча маселелер каралып жатат", - дейт Алымкадыр Бейшеналиев.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
170623;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: