3 күн мурда үйүнөн чыгып кеткен. Баткенде 16 жаштагы Бегимай Кенжебаева дайынсыз болууда

Баткенде 16 жаштагы Бегимай Кенжебаева 3 күндөн бери дайынсыз болуп изделүүдө. Бул тууралуу Баткен ОИИБинин маалымат кызматынан билдирип, көргөн, билгендер болсо кабарлап коюуну өтүнөт.

Белгилүү болгондой, Бегимай Кенжебаева 11-июнь күнү саат 06:30 чамасында өзү жашаган үйүнөн белгисиз тарапка чыгып кеткен. Ал ошол бойдон дайынсыз болууда.

Бул факты Кылмыштардын жана жоруктардын бирдиктүү реестрине катталып, издөө иштери жүрүп жатат.

Изделип жаткан өспүрүмдүн белгилери: Бою 155-160 сантиметр, кашы, көзү кара, орто салмакта.

Эгерде кимдир-бирөө сүрөттөгү кызды таанып, жүргөн жери тууралуу маалымат билсе кабар берип коюуну милиция кызматкерлери суранат. Байланыш номерлери: (03655) 5-02-29; 0704 27-64-16

Автор: Бактыгүл Момбекова