реклама
super.kg logo

Министрлер кабинетинин төрагасынын орун басары бүгүнкү күндө негизги милдет калкты эмдөө экендигин белгиледи

 

Министрлер кабинетинин төрагасынын орун басары Жылдыз Бакашова Улуу Британия жана Түндүк Ирландия Бириккен Королдугунун Кыргыз Республикасындагы атайын жана ыйгарым укуктуу элчиси Чарльз Гаррет менен жолугушту. Бул тууралуу министрлер кабинетинин басма сөз кызматынан билдиришти.

Жылдыз Бакашова коронавирус инфекциясы пандемиясына каршы күрөшүүдө Улуу Британиянын республикага көрсөткөн жардамы үчүн ыраазычылыгын билдирди. Бүгүнкү күндө министрлер кабинетинин негизги милдеттеринин бири калкты эмдөө экендигин белгилеп, бул багытта жүргүзүлүп жаткан иштерге токтолду.

"Кыргыз Республикасы үчүн Улуу Британия менен өз ара аракеттенүүнүн бардык тармактарында эки тараптуу мамилелерди чыңдоо маанилүү. Британдык тарап аркылуу Кыргыз Республикасындагы, айрыкча социалдык чөйрөдөгү долбоорлордун мындан ары карай натыйжалуу ишке ашырылышына ишеним билдиребиз", - деп белгиледи Жылдыз Бакашова.

Жолугушуунун жүрүшүндө тараптар эки тараптуу кызматташтыктын маселелерин талкуулашты. Британ тарапка COVID-19 менен күрөшүү жана калкты эмдөө жүргүзүү боюнча тажрыйба алмашуу максатында Кыргыз Республикасынын жана Улуу Британиянын Саламаттыкты сактоо министрликтеринин ортосунда видеоконференция форматында консультацияларды уюштуруу мүмкүнчүлүгүн карап чыгуу сунушталды.

Ошондой эле өлкөдө каржы жана банк иши, экологиялык дипломатия жаатындагы кадрларды даярдоого жана Британиялык университеттердин биринин филиалын Бишкекте ачууга багытталган долбоорлорду жана программаларды ишке ашыруу мүмкүнчүлүгүн карап чыгуу сунушталды.

Министрлер кабинетинин төрагасынын орун басары британ тараптын COVAX программасынын алкагында жакын арада вакцина алууда колдоо көрсөтүүсүнө ишеним билдирди.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
173034;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: