Баткен облусунда 16 жаштагы Мундуз Аллаяр кызы дайынсыз болуп изделип жатат. Бул тууралуу облустук милициядан билдиришти.
Маалыматка караганда, 12-июнь күнү саат 09:00 чамаларында Кадамжай районунун Бирлик айыл аймагына караштуу Ормош айылынын 2005-жылы туулган тургуну өзү жашаган үйүнөн Айдаркен шаарындагы базарга барып келем деп чыгып кеткен бойдон келген эмес.
"Бул факты Кадамжай РИИБинде катталып, издөө иштери жүрүп жатат. Кыздын белгилери: Бою 160-155 сантиметр, кашы, көзү кара, дене түзүлүшү орто.
Милиция эгерде кимдир бирөө сүрөттөгү кызды көрүп же билген болсо, төмөнкү телефондорго кайрылууну өтүнөт. Байланыш үчүн номерлер (03655) 5-02-29; 0704 27-64-16", - деп билдиришти Баткен ОИИБинин маалымат кызматынан.