Ысык-Көлдө спорттук машыгуу учурунда сабалган 9 жашар баланын окуясы. Улукбек Марипов ишти өзгөчө көзөмөлгө алды

Ысык-Көл облусунда спорттук машыгуу учурунда сабалган 9 жашар баланын окуясы министрлер кабинетинин төрагасы Улукбек Мариповдун өзгөчө көзөмөлүндө турат. Бул туурасында министрлер кабинетинин маалымат кызматынан билдиришти.

"Улукбек Марипов иштин бардык жагдайлары жөнүндө маалымат берүүнү жана иликтөө алкагында балага карата зомбулукка жол берген жактардын аракеттерине гана эмес, кызматтык милдетине толеранттуулук, сабырдуулук жана диний маданият боюнча профилактикалык иш-чараларды өткөрүү маселеси кирген Маданият, маалымат, спорт жана жаштар саясаты министрлигинин, Билим берүү жана илим министрлигинин кызматтык жактарынын аракеттерине (аракетсиздик) карай да укуктук баа берүүнү тапшырды.

Ошондой эле Марипов балдар укугу боюнча ыйгарым укуктуу өкүлү Жыпариса Рысбековага бардык тапшырмалардын аткарылышын мониторингге алууну, ошондой эле мындай окуяларга жол бербөө боюнча чараларды күчтөндүрүүнү тапшырды", - деп айтылат билдирүүдө.

Буга чейин тогуз жашар бала Ысык-Көл облусундагы дзюдо боюнча секциянын машыгуулары учурунда теңтуштары тарабынан сабалган. Соттук-медициналык экспертизанын жыйынтыгы боюнча жабырлануучунун ден соолугуна жеңил түрдөгү залал келтирилип, натыйжада ден соолугу жабыркап, кыска мөөнөткө эмгекке жөндөмдүүлүгүн жоготкон.

Автор: Бактыгүл Момбекова

15:38 09-07-2021

Жазылуу

РУБРИКАДАГЫ СОҢКУ КАБАРЛАР

20:06 2025-05-25 | Түркүн дүйнө

Орусия менен Украина Стамбулдагы келишимин ишке ашырды. Эмне кеп? 850 0

18:31 2025-05-25 | Маданият, шоу-бизнес

Кыргызстандык жаш талант Бейше жандуу үн менен орусиялыктарды таң калтырды (видео) 697 0

18:10 2025-05-25 | Түркүн дүйнө

Жо Байден рак оорусуна чалдыккандан бери алгачкы ирет эл алдына чыкты 827 0

17:43 2025-05-25 | Коом жана турмуш

Чүйдө 8 жаштагы Алина Разбицкая дайынсыз болууда 361 0

17:17 2025-05-25 | Коом жана турмуш

Сел жүрүшү мүмкүн. ӨКМ чукул кабар билдирди 692 0

17:10 2025-05-25 | Түркүн дүйнө

Израил 24 сааттын ичинде Газага 100дөн ашуун сокку уруп, 60ка жакын жаран каза болду 466 0

Архив

Комментарийлер (1)

Rifle_I

2021-07-09 15:54:10

ПМ же президент же УКМКнын жетекчиси ар кандай бир бум жараткан ишти көзөмөлгө алуусу бул кол алдындагы иштеген кызматкерлерге ишенбегенин түшүндүрөт. Мындай майда иштерди ПМ көзөмөлгө алса, анда ПМдин өз милдеттерин ким аткарат?

Бул көрүнүштөр токтош үчүн өз ишин аткара албаган кызматкерлерди иштен алып, ишин так аткарбаганы үчүн жазалаш керек. Себеби ал кызматкерге биз налог төлөп айлык берип жатабыз.

Комментарий калтыруу үчүн өз ысымыңыз менен кириңиз же каттоодон өтүңүз.