5 миллион сомдон 10 миллион сомго чейин. Токиодогу Олимпиада оюндарында жеңишке жетишкен спортчуларга акчалай сыйлык берилет

Токиодо өтүүчү Олимпиада оюндарына катыша турган кыргыз спортчуларын министрлер кабинетинин төрагасы Улукбек Марипов кабыл алды. Жолугушуу бүгүн, 13-июлда мамлекеттик "Ала-Арча" резиденциясында болгонун министрлер кабинетинен кабарлашты.

"Алгач спортчуларды Кыргыз Республикасынын Олимпиадалык курама командасына киргендиги менен куттуктайм. ХХХII жайкы Олимпиада оюндарында ийгиликке жетүүнү каалайм. Сиздер жогорку деңгээлдеги атаандаштык шартында күч сынашасыздар. Сиздер татыктуу беттеш өткөрүп, жеңишке жетесиздер деп ишенем. Биздин команданын Токиодогу Олимпиада оюндарына катышуусу өлкө үчүн сыймык, жаштарды патриоттуулукка тарбиялоонун негизи. Өлкө эли жан дили менен колдоп, сүрөп, мамлекеттик гимнибизди угууга үмүттөнөт", - деди Улукбек Марипов.

Министрлер кабинетинин төрагасы кошумчалагандай, президент Садыр Жапаров дагы спортчуларга ийгилик менен жеңиш каалайт.

Улукбек Марипов Олимпиада оюндарында жеңишке жетишкен спортчуларга байгелүү фонд каралганын айтат. Ага ылайык:

Алтын медаль ээлерине - 10 миллион сом;
Күмүш медаль ээлерине - 7 миллион сом;
Коло медаль тагынса - 5 миллион сом.

Эгер спортчу жеңишке жетсе, башкы машыктыруучуга спортчуга берилген сумманын 30 пайызы, улук жана жеке машыктыруучуга 25 пайыз, биринчи машыктыруучуга 10 пайызы берилет. Медициналык персоналга байге фондунун 10 пайызы төлөнөт.

Жолугушууну жыйынтыктап жатып Улукбек Марипов мамлекеттик тууну курама команданын капитаны Атабек Азисбековго тапшырды.

Автор: Бактыгүл Момбекова
Фото: Министрлер кабинетинин маалымат кызматы

15:23 13-07-2021

Жазылуу

РУБРИКАДАГЫ СОҢКУ КАБАРЛАР

14:40 2026-09-29 | Коом жана турмуш

30-сентябрга карата аба ырайы 88 0

14:26 2026-09-29 | Түркүн дүйнө

Путин Орусиянын армиясынын санын 2,4 миллион адамга чейин көбөйттү 243 0

13:02 2026-09-29 | Коом жана турмуш

Бишкекте орусиялык окуу жайлардын көргөзмөсү өтөт 217 0

12:29 2026-09-29 | Саясат

Орунбеков таштанды полигонундагы өрт боюнча коомчулукка кайрылды 712 0

12:27 2026-09-29 | Спорт

Азия оюндары: Кубанычбек Айбек уулу коло медалдын ээси болду 361 0

12:12 2026-09-29 | Коом жана турмуш

Бишкекте таштанды полигонунан өрт чыкты (видео) 477 0

Архив

Комментарийлер (2)

Dembele84

2021-07-13 15:40:07

Ийгилик,мурдагы олимпиадага караганда быйыл спортчуларыбыз коп катышат.Спорт аз аздан болсо да онугуп жатат.Ушул бойдон токтоп калбай дагы спортту колдоону кучотуш керек!

Qwer007

2021-07-13 16:19:58

Ага 30%, буга 20%..деп жатып спортчуга 20-25% тийет окшойт. Алга Кыргызстан

-3

Комментарий калтыруу үчүн өз ысымыңыз менен кириңиз же каттоодон өтүңүз.