ЭЛДИК КАБАР: "Баткендин Газ айылындагы көптөгөн тургундардын эгиндерин шагыл басып калды" дейт окурман

SUPER.KG порталынын "ЭЛДИК КАБАР" бөлүмүнө Баткен районунун тургуну кайрылып, катуу жааган жаандан улам Газ айылында сел жүрүп, кайра оңдолгон жолдорду сел каптаганын билдирди.

"Баткен районуна караштуу Кышгут айыл өкмөтүнүн Газ, Согмент айылдарында 19-20-июлда тынбай жааган жаандын кесепетинен сел катуу жүрүп, араң оңдогон жолдорду, көпүрөлөрдү алып кетти.

Буга чейин 6-июль күнү сел каптап, үйлөрдү, короолорду каптаган. Жолдорду бузган, ошолорду араң оңдоп бүтүргөндө кайрадан сел каптап кетти.

Болжолдуу 15 турак жайга сел кирди. Көптөгөн тургундардын эгиндерин шагыл басып калды", - деп билдирди окурман.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.