"Колун жууп жатып тайып жыгылган". Чычкан суусуна агып кеткен 61 жаштагы аял 3 күндөн бери табыла элек

Чычкан суусуна агып кеткен 61 жаштагы аял үч күндөн бери табыла элек. Бул тууралуу Өзгөчө кырдаалдар министрлигинин маалымат кызматынан билдиришти.

Маалыматка караганда, 1-август күнү Токтогул районунда 1960-жылы туулган аял Чычкан суусуна колун жууп жатып тайып жыгылып, сууга агып кеткендиги тууралуу маалымат келип түшкөн.

Жерине 5 куткаруучу тартылып, издөө иш-чараларын жүргүзүшүп, кеч киргендигине байланыштуу убактылуу токтотулган. Издөө иштери бүгүн, 3-август күнү улантылат.

Автор: Гүлзина Каныбекова
Фото: Өзгөчө кырдаалдар министрлигинин маалымат кызматы