Кыргыз өлкөсүнүн алгачкы президенти Аскар Акаев Кеминге барды. Бул тууралуу жергиликтүү басылмалар өздүк булактарга таянуу менен жазып чыгышты.
Видеодо Акаевди жылуу тосуп алганын жана жакындары менен дасторкон үстүндө отурганын көрүүгө болот.
Маалымат үчүн:
Белгилүү болгондой, Аскар Акаев 2-августта Бишкекке алып келинип ведомстволор аралык тергөө тобуна өткөрүлүп берилген.
Ага "Кумтөр" долбоорун ишке ашыруудагы коррупциялык фактылар боюнча козголгон кылмыш ишин иликтөө алкагында издөө жарыяланган. Буга байланыштуу УКМК тарабынан көрүлгөн чаралардын натыйжасында, 2-августта Бишкекке алып келинди.
Акаев Кыргыз өлкөсүн 1990-2005-жылдары башкарган. 2005-жылдагы март окуясында бийликтен кулатылгандан кийин үй-бүлөсү менен Орусияга чыгып кеткен, ошондон бери мекенге келе элек болчу.