Мээрим Жуманазарованы аэропорттон тосуп алууга биринчи машыктыруучусу да келди

Бүгүн, 7-августта "Токио-2020" жайкы Олимпиада оюндарындагы мелдешин жыйынтыктаган спортчулар келишет. Аларды тосуп алууга атайын дерекциянын өкүлдөрү, спорттун, маданияттын мыктылары дагы келишти.

Ал эми коло медалдын ээси балбан Мээрим Жуманазарованын биринчи машыктыруучусу Чынарбек Изабеков Олимпиада оюндарына барбай калганынын себеби Токиодон чектөө болгону менен түшүндүргөнүн айтат.

"Бирок башка өлкөнүн машыктыруучулары менен сүйлөшсөк, бардык машыктыруучулары барыптыр. Алардын арасында биринчи машыктыруучулары дагы бар экен", - дейт Изабеков.