Олимпиада оюндарында медалга ээ болгон спортчуларды "Манас" аэропортунун жетекчилиги сыйлады

Бүгүн, 7-августта "Манас" эл аралык аэропортуна Токиодон кыргыз спортчуларынын бир бөлүгү учуп келет. Аларды тосуп алууга журналисттер жана атайын дерекциянын өкүлдөрү, маданият, маалымат, спорт жана жаштар саясаты министри Кайрат Иманалиев, белгилүү спортчулар, маданияттын мыктылары дагы келишти. Аэропорттон машыктыруучулардын, спортчулардын катышуусунда маалымат жыйын өттү.

Андан соң аэропорттун жетекчилиги Айсулуу Тыныбекова, Акжол Махмудов, Мээрим Жуманазарова жана Айпери Медетбек кызына сыйлактарды тапшырды.

Эске салсак, XXXII жайкы Олимпиада оюндарына Кыргыз өлкөсүнүн атынан 16 спортчу катышып, 3 спортчубуз байгелүү орундарга жетишкен. Тагыраагы эркин күрөш боюнча Айсулуу Тыныбекова күмүш медаль, ал эми Мээрим Жуманазарова коло медалды багындырган. Ошондой эле грек-рим күрөшү боюнча балбаныбыз Акжол Махмудов дагы күмүш байгени камсыздаган.