Жаңы окуу жылы офлайн форматта башталабы? Жооп

Жаңы окуу жылын офлайн форматта баштоого даярдык көрүлүүдө. Бул тууралуу жергиликтүү массалык маалымат каражаттарынын бирине Билим берүү жана илим министрлигинин мектепте жана мектептен тышкаркы билим берүү башкармалыгынын башкы адиси Гүлшан Абдылдаева билдирди.

Ага ылайык, мугалимдердин 70 пайызы коронавируска каршы эмдөөдөн өтүшкөн, буга байланыштуу окуу форматы офлайн түрүндө жүргүзүлүүгө даярдыктар башталган.

Белгилей кетсек, жаңы окуу жылында окуучулар мектеп формасын сатып алууга милдеттүү эмес. Коронавируска байланыштуу экономикалык кырдаалды эске алып, эркин формага уруксат берилет.

Автор: Айзада Кыдырмышева