"Күйөөсү менен урушуп кеткен". "Айчүрөк" соода борборунда жардыруучу зат коюлганы боюнча маалымат берген аял кармалды

Бишкектеги "Айчүрөк" соода борборунда жардыруучу зат коюлганы боюнча маалымат берген аял кармалды. Бул тууралуу УКМКнын маалымат кызматынан билдиришти.

Атайын кызматтан билдиришкендей, укук коргоо органдары аталган соода борборго жардыруучу каражат коюлгандыгын жана барымтага алынгандар бар экенин кабарлаган адамды аныктоо боюнча иш алып барган.

Бул факты Кылмыштардын жана жоруктардын бирдиктүү реестрине 246-беренеси "терроризм актысы боюнча жалган маалымат берүү" боюнча каттоого алынган.

"Иштин алкагында Сокулук районунда туулган 1994-жылкы Г.З.А. аттуу аял кармалды. Ал ГУМдан "Нур Телеком" компаниясынан сим-карта сатып алып "Айчүрөк" соода борборуна бомба коюлганы жана адамдар барымтага алынганы боюнча жалган маалымат берген. Алдын ала маалыматтар боюнча, аялдын мындай ишке баруусуна аталган соода борбордо иштеген күйөөсү менен урушуп кеткени себеп болгон", - дешти УКМКдан.

Учурда аялдын мүмкүн болгон шериктерин аныктоо боюнча иштер жүргүзүлүп жатат.

Белгилей кетсек, буга чейин УКМК мындай жалган маалыматтар үчүн кылмыш иши каралганын эскерткен.

Кечээ, 9-августта борбор калаада жайгашкан аталган соода борбордо эл эвакуацияланып, айланасы курчоого алынган. Көп өтпөй аталган соода борбордун кызматкери, бомба жана барымтада адамдар бар деген маалымат чындыкка дал келбей турганын билдирген.

Автор: Гүлзина Каныбекова
Фото: УКМКнын маалымат кызматы

17:26 10-08-2021

Жазылуу

РУБРИКАДАГЫ СОҢКУ КАБАРЛАР

20:31 2025-05-24 | Кылмыштар, кырсыктар

Бишкекте 1-топтогу майып кызды 20 жаштагы жигит зордуктап кеткендиги айтылды 875 0

18:31 2025-05-24 | Маданият, шоу-бизнес

"Сахнада 20 жыл". Ырчы Мирбек Атабековдун жыйынтыктоочу концерти аншлаг менен өттү (видео) 1045 0

18:00 2025-05-24 | Маданият, шоу-бизнес

Блогер Арген Асановдун апасы казак кызына ак жоолук салды (видео) 2754 0

17:04 2025-05-24 | Саясат

Баткен шаарындагы кирпич заводдун жери жеке менчиктен мамлекеттин балансына өттү 695 0

16:36 2025-05-24 | Коом жана турмуш

Улакчы Манас Ниязовго кытайлык кыз сезимин билдирди (видео) 3456 1

16:06 2025-05-24 | Коом жана турмуш

GOLD SHAH-2025 эл аралык ашпозчулар сынагы: Кыргызстандын ашпозчулары алтын медалдарды жеңип алышты 670 0

Архив

Комментарийлер (8)

Ala.too.456

2021-08-10 17:54:33

Эми куйоон менен урушуп кетсен эле бутундой элди дурболонго салышын керекби... Макул эми Аллах ынсап берип, чыныгы чиджапты кийип калчы.

ayzhan12

2021-08-10 18:42:09

Ушуга окшогондор өттү. Фанаттар.

Rifle_I

2021-08-10 18:46:11

Аял кишинин жинине тийбес керек. Кааласа тоону томкоруп салат. Ошол себептен эже карындаштарыбызды сыйлап, эркелетип, коргоого алып эле жашайлы туугандар.
Бул эжебиздин күйөөсүн дагы тарбиялаш керек эми

Samash-87

2021-08-10 19:08:33

Паранжынын ичинде эч ким корбойт деп мурдуна сойко салып алыптыр,ким билет дагы канча жерин тешип темир топчуларды тагып алганын.

Alinur96kg

2021-08-10 19:09:49

Крыша кетип калган окшойт да.

Pankration_MMA

2021-08-10 19:20:24

Аял затынын жинине көп тийбегиле, өздөрү жарылбасын)!

ayzhan12

2021-08-10 20:56:17

Ушинтип кап кара кийимге оронуп алуунун кереги жок. Хиджаб бул жон гана кийимдин туру эмес. Хиджаб бул маданий жана саясий символ. Арабтарга таандык болгон.

Siren90

2021-08-10 23:30:48

Балким куйоосунун ошондой планы бардыр, ачуусу менен айтып салды, жакшылап куйоосун да суракка алышсын

-1

Комментарий калтыруу үчүн өз ысымыңыз менен кириңиз же каттоодон өтүңүз.