Кызды калькулятор менен башка чапкан жаран убактылуу кармоочу жайга киргизилди

Бишкекте балдар паркында орус тилинде жооп бергени үчүн сатуучу кызды калькулятор менен башка чаап жиберген жаран убактылуу кармоочу жайга киргизилди. Бул тууралуу бүгүн, 13-августта Октябрь райондук милициясынын басма сөз кызматынан билдиришти.

Маалыматка ылайык, кечээ, 12-август күнү 29 жаштагы А.Алимбаев аттуу жаран Октябрь РИИБинин тергөө кызматы тарабынан убактылуу кармоочу жайга киргизилди. Жакынкы 48 саат аралыгында Октябрь райондук соту тарабынан анын баш коргоо чарасы каралат.

Окуянын чоо-жайы:

Окуя 2-август күнү Горький жана 7-Апрель көчөлөрүнүн кесилишиндеги соода борборунда болгон. Арыз жазган кыздын айтымында, ал күнү бейтааныш эркек киши мас болуп алып, аны менен урушуп, сөгүнгөн. Чатакташып жатканда калькулятор менен башка чаап салган.

Бул факты Кылмыштардын жана жоруктардын бирдиктүү реестрине 266-беренеси "ээнбаштык" менен катталган.

Иликтөө иштеринин натыйжасында чыр салган киши 29 жаштагы А.А. аттуу жаран экени аныкталып, Октябрь РИИБине алып келинген. Көп өтпөй бул окуя боюнча Орусиянын Кыргыз өлкөсүндөгү элчиси Николай Удовиченко үн каткан. Ал эми Улуттук коопсуздук мамлекеттик комитети кыргыз тилин билбеген кызды чаап жиберген А.Алимбаевге расмий эскертүү берген болчу.

Көп өтпөй бул окуяга Орусиянын мамлекеттик Думасынын төрагасы Вячеслав Володин реакция кылып, Кыргыз өлкөсүнүн Жокорку Кеңешинин төрагасына бул окуяны жеке көзөмөлгө алуу тууралуу кайрылуу жолдоорун билдирген.

10-августта тышкы иштер министри Руслан Казакбаев Орусиянын Кыргыз өлкөсүндөгү элчиси Николай Удовиченко менен жолугушуп, аталган оюн-зоок борборунда орун алган Кыргыз Республикасынын жараны менен аталган мекеменин кызматкери, орус улутундагы Кыргыз Республикасынын жаранынын ортосунда болгон окуяны талкуулашкан.

Ал арада Орусиянын ички иштер министрлиги орус тилдүү кыргыз кызына кол салган Кыргыз жаранына он жылга өлкөгө кирүүгө тыюу салганы маалым болгон.

Автор: Гүлзина Каныбекова
Фото: Октябрь РИИБинин маалымат кызматы

12:08 13-08-2021

Жазылуу

РУБРИКАДАГЫ СОҢКУ КАБАРЛАР

15:44 2025-05-25 | Маданият, шоу-бизнес

"Биздин үй-бүлөдө кош майрам". Ырчы Самат Муратбеков 35 жашка толду 80 0

15:06 2025-05-25 | Түркүн дүйнө

Кытайда көздү жумуп көрүүгө мүмкүндүк берүүчү линзалар иштелип чыкты 191 0

13:59 2025-05-25 | Түркүн дүйнө

"Терезеден чыгып кетишти". Колумбияда катталган жол кырсыгы адам өлүмүнө алып келди 564 0

13:29 2025-05-25 | Түркүн дүйнө

"12 жолу бычакталып". Талдыкорганда мейманканадан аялдын денеси табылды 639 0

13:15 2025-05-25 | Түркүн дүйнө

Илон Маск саясаттан кетүүнү чечти. Себеби 781 0

12:42 2025-05-25 | Кылмыштар, кырсыктар

Чүйдө эки айылдын окуучуларынын арасында массалык мушташ болду (видео) 972 0

Архив

Комментарийлер (16)

Ala.too.456

2021-08-13 12:17:58

Эскертуу бердинер элего...

Antiradikal3

2021-08-13 12:28:16

Биздин бийликте лохтор отурат. Жапаров, Ташиев баш болуп лох!!!

Оруссиянын дудкасына бийлеген акмактар.....

aibekkk

2021-08-13 12:37:08

Атамбаев патхалим эле бул бийлик андан ашып тушту орустарга тряпка болуп калды анчалык болбош керек

Nursul

2021-08-13 13:07:08

Кыргызстанды Орусияга эле өткөзүп берип койбойсуңарбы анча болду. Орусиянын бир эки кишиси сүйлөп койсо кирерге жеринерди таппай калдыңарго. Кыргыздарды камап салып орус кытай дагы башка улуттутарды киргизип койушунар эле калды өзү Орусияга качанкыга чейин кошомат кыласыңар намысы жоктор.

al-abu-kinesz

2021-08-13 13:07:40

Орустар улуу держава, орустарга коз каранды болуп келгенибизге 100 жылдан ашты, чычкан менен пилдей эле разницабыз бут жагынан караганда. Бийликти шыбап аткандар президент болгонунарда эмне кылмаксынар??? Колунардан боктун иши келмек эмес, орустардын талабын аткарбай туура кылыптыр башка чаап десенер мигранттардын таш баранына калмаксынар! Тажикстандагы летчиктердин окуясы буга далил. Адаханын дагы, Текебаевин дагы мындай нерселерге тиши отпойт.

-3

Antiradikal3

2021-08-13 13:28:31

al-abu-kinesz, урматтуу бийликтин жугундукору, даканса мырза! Кичине мамлекеттер да чон мамлекеттер менен тен ата суйлошуп келет... Прибалтика олколору, Грузия ж.б. Россиянын астында биздей бужуроп отурган жери жок. Эгер окуя Россияда орун алса да бир жон эле. Кыргызстанда 2 кыргыз жараны ортосундагы урушка Россиянын аралашуусуна эч акысы жок. Ошону тушунуп жатасынбы? Бийлик эмне кыла алат? Россиянын камчысын чаап ал жигитти камап эмне пайда табат?

nazira...

2021-08-13 20:30:55

Antiradikal3,жаллаң негатив сөздөрдү жазчы элең, мында, өтө жакшы сөз жазгансынбы дейм да.

Antiradikal3

2021-08-13 13:33:00

al-abu-kinesz, ал жигитти камап Россиянын камчысын чабышын сендей дакансалар эле макулдабаса. А макул, камады да дейли. А бирок Россия бул жигитке Россияга кирууго тыю салганга кандай акысы бар? Же Россияда журуп Поссиянын мыйзамдарын бузуп жатпаса...

Биздин бийлик эмне кыла алат?
1) Кыргызстандагы Россиянын элчисин олкодон айдоо керек. Ордун билиши керек эле... Россиянын Кыргызстандын ички ишине аралашуусу мыйзамсыз экенин тушундуруу керек. Оруссиянын бийлигине!

Antiradikal3

2021-08-13 13:34:28

al-abu-kinesz,
2) ) орус тилин расмий тил статусунан ажыратуу керек! Олкодо коомдук жайларда кыргыз тилинде кызмат корсотулуусу керек. Мамлекеттик кызматтарга мамлекеттик тилди билбегендер кызматка алынбашы керек. Олкодо иш кагаздары мамлекеттик тилде журушу керек.....

Nursul

2021-08-13 14:53:25

al-abu-kinesz, 100 жыл болду деп өмүр бою баш көтөрүп сүйлөй албай өтүш керекпи. Курал жагынан күчтүү экенин баарыбыз эле билебиз куралы күчтүү деп эле чөгөлөп калыш керек курал жагыбыз алсыз болсо да сөз жагынан алсыз болбош керек.

Leonardo_

2021-08-13 13:09:33

Ал киши Кармалган жок Кармалды деп орустарга Айтып койолу ишендирип

-3

zhaynak

2021-08-13 13:21:35

Биринчиден орустардын биздин ички ишибизге кийлигишкенге такыр акы жок.
А бул жагынан алып карасак, бул жигит тиги кызды койгулап салгыдай эч кандай акы жок. Жалан акы жоктор элди ойго салып акылы жоктук кылып жатышат.

Aimani

2021-08-13 15:53:42

Орус болбогондо деле любой кишини чапкан учун камалышы туура эле.кыргыз кызды чапса деле камалсын без разницы.

-1

Asmat84

2021-08-13 17:36:58

Өтө өкүнүчтүү ушинтип отурсак намыс ариетибиз каякта калат

Ala.too.456

2021-08-13 18:51:18

Кандай болгон кундода кыз балага кол которбош керек эле. Бир аз эркектей болсо болмок экен, ушуунча элдин башын оорутбай.

bond02

2021-08-13 19:04:06

Россиянын конулу учун оз жаранын камап жатат, анан кантип биздин бийликке ишенип колдоп журушот тушунбойм. Азыркы бийлик оз алдынча иш жургузо албайт.

Комментарий калтыруу үчүн өз ысымыңыз менен кириңиз же каттоодон өтүңүз.