Токиодогу Олимпиаданын символу болгон шакекчелер алынып, ордуна Паралимпиаданын логотиби коюлат

Токиодогу Олимпиадалык шакекчелер алынып, ордуна Паралимпиадалык логотиби коюлат. Бул тууралуу чет элдик басылмалар жазып чыгышты.

Маалыматка ылайык, Одайба деңиз паркындагы бетон аянтчасындагы ири сүзүүчү шакек эстелиги жакында боло турган Паралимпиадалык оюндардын "Үч Агито" символуна алмаштырылат.

Туурасы 33 метр, бийиктиги 15 метр жана салмагы 69 тоннадай болгон эстелик биринчи жолу 2020-жылдын январь айында ачылган, бирок пандемияга байланыштуу оюндарды бир жылга жылдыруу чечими кабыл алынгандан кийин техникалык тейлөө үчүн алып салынган. Ал декабрь айында кайра орнотулган.

Эске сала кетсек, Токиодо паралимпиада оюндары 24-августтан 5-сентябрга чейин өтөт. Ага кыргыздын атынан ядро түртүү боюнча Арстанбек Базаркулов жана пара-дзюдо боюнча Хаят Хусан кызы катышат.

Автор: Алина Айдарбекова