Эң жашы 1 жарым жашта. Суусамырда катталган жол кырсыкта каза болгон 9 адамдын жетөөнүн аты-жөнү аныкталды

Буга чейин Чүй облусунун Суусамыр өрөөнүндө катталган үрөй учурган жол кырсыгынан Токтогул районунун Кызыл-Өзгөрүш айылынын 6 тургуну каза болгону кабарланган. Алардын аты-жөнү такталды. Бул тууралуу аталган айылдын айыл өкмөт башчысы Гүлбайра Сманова билдирди.

Алар:

Жүргүнчү А.Т. 1951-жылы;

Айдоочу К.С. 1983-жыл;

Жүргүнчү К.Н. 1968-жыл;

Жүргүнчү Ф.А. 2020-жыл (К.Н.нын небереси);

Жүргүнчү Д.Т. 1950-жыл;

Жүргүнчү К.Б. 1978-жыл;

Баары Кызыл-Өзгөрүш айылынын тургундары.

Дагы бир жүргүнчү Т.М. Токтогул районундагы Үч-Терек айылынын тургуну.

"Каза болгон тургундардын үйлөрүн кыдырып, көңүл айтып келдик. Алардын ичинен аз камсыз болгон үч үй-бүлөгө жардам көрсөтүлдү", - деп билдирди Сманова.

Автор: Айжанар Рыспек кызы