"Өзгөчө оор кылмышты жашырганга шектелүүдө". Инспектордун огунан каза болгон жарандын өлүмүнө байланыштуу 3 кайгуул кызматкери кармалды

Бишкектеги мечиттердин биринин жанында инспектордун огунан каза болгон жарандын өлүмүнө байланыштуу кайгуул милиция бөлүмүнүн кызматкерлери кармалды. Бул туурасында Улуттук коопсуздук мамлекеттик комитетинин маалымат кызматынан бүгүн, 29-августта кабарлашты.

"УКМК А.Ч. аттуу жаранды өлтүрүү фактысы боюнча кылмыш ишин иликтөө учурунда Бишкек ШИИББинин кайгуул милиция бөлүмүнүн полкунун рота командиринин орун басары А.Н., полктун 2-ротасынын 3-взводунун кенже инспекторлору Б.Э. жана Б.Аны кармады. Алар УКМКнын тергөө камак жайынын убактылуу кармоочу жайына киргизилди. Кармалгандар өзгөчө оор кылмышты жашырып, кызмат абалынан кыянаттык менен пайдаланган деп шектелүүдө", - дешти мекемеден.

Маалымат үчүн:

Окуя 27-августта саат 21:30 чамасында Жибек Жолу кең көчөсү менен Гоголь көчөсүнүн кесилишинде орун алган. Анда милициянын кайгуул кызматынын инспектору менен айдоочунун ортосунда уруш чыгып, инспектор кокустан аны атып алган. Айдоочу алган жаракатынан улам көз жумган.

Аталган окуя 321-берененин бөлүктөрү ("кызмат абалынан кыянаттык менен пайдалануу", "ошол эле жосун", "курал же атайын каражаттарды колдонуу менен", "кокусунан ден соолукка оор зыян келтирүү менен") боюнча Кылмыштардын жана жоруктардын бирдиктүү ресстрине катталып, шектүү УКМКнын убактылуу кармоочу жайына киргизилди.

Бул окуяны тергөө ишин Улуттук коопсуздук мамлекеттик комитетинин жана прокуратуранын кызматкерлери жүргүзөт.

Интернетке инспектордун тапанчасын алып чыккан видеосу жарыяланды. Кийинчерээк маркумдун достору УКМКнын төрагасы Камчыбек Ташиевге жасаган кайрылуусун интернетке жарыялашты. Андан көп өтпөй маркумдун келинчеги делинген айымдын видеокайрылуусу тарады.

Бишкек ШИИББи инспектордун алгачкы көрсөтмөсү видеого жазылып калган учур менен окшошпой турганын, кылмышты жаап-жашыруунун белгилери жок экенин жана башка нуктагы маалымат берүү ниети жок экенин баса белгиледи.

Кийинчерээк инспектор киши өлтүрүү фактысы боюнча кармалып, ага карата "баш калкалоо", "кызмат абалынан кыянаттык менен пайдалануу" жана "адам өлтүрүү" фактылары боюнча кошумча сотко чейинки 3 өндүрүш иши катталганын, тергөөнүн жүрүшүн Камчыбек Ташиев жеке көзөмөлүнө алганын УКМКдан кабарлашты.

Автор: Бактыгүл Момбекова

09:37 29-08-2021

Жазылуу

РУБРИКАДАГЫ СОҢКУ КАБАРЛАР

18:01 2025-05-07 | Коом жана турмуш

"Өчпөс полк" жүрүшүнүн жаңы маршруту маалым болду 1361 0

17:26 2025-05-07 | Саясат

Садыр Жапаров Москвадагы Жеңиш парадына катышат 1532 0

17:13 2025-05-07 | Коом жана турмуш

Унаанын үстүнө чыгып секирип жаткан жарандын видеосу тарады 2479 0

16:30 2025-05-07 | Коом жана турмуш

"Ашыкча чыгым жаратат". Бишкек мэриясы жарандарга кайрылды 1592 0

16:21 2025-05-07 | Коом жана турмуш

"Манас" аэропортунда Москвага каттамдар жанданды 1602 1

16:19 2025-05-07 | Түркүн дүйнө

Астанада аскердик парадда Казакстандын желеги асманда тартылды (фото, видео) 1929 0

Архив

Комментарийлер (9)

Asmat84

2021-08-29 10:03:47

Дагы жакшы камерага түшүп калган экен. Болбосо шордуу өлгөн адамды күнөөлүү кылып коюшмак. Мына красныйлардын кыял жоруктары

+20

Bishkek11

2021-08-29 10:08:50

Тигилерде эмне куноо. Жашырбайле ачык корунуп турбайбы баары.

tachkomur

2021-08-29 10:30:27

Bishkek11,Аларда чоон Куно ошол жердеги кылмышты жашырганга аракет кылышкан камера болбосо олгон Адам куноолу болмок

+15

Datka7777

2021-08-29 14:05:32

Bishkek11,кылмыш ишин бурмалап туура эмес корсотмо беришкен.

Bishkek11

2021-08-29 11:10:34

Ар бир айдоочу ГАИ тоссо, бул эмне кылып алат эле деп эдирендебей ойлонуш керек. Беш кол Тен эмес ар кандай сотрудниктер бар. Ушундай бироосуно попал болсон кеттин экенда....

+17

Datka7777

2021-08-29 14:00:50

Bishkek11,ар кандай сотрудниктер бар эмес «закон о полиция», бироо эле. Ар кандай сотрудник бар болуп ал шаарда атасынын малын кочодо кайтарып жургон жок

Nina.alex

2021-08-29 11:11:05

Мээлеп атып салса деле кокустан боло береби

+13

Jaysan030

2021-08-29 22:07:46

Nina.alex,менде да ушул ой, кенеиреек жазайын десен бан га кетесин.

Pankration_MMA

2021-08-29 12:50:46

Кокустан болсо, анда пистолеттин предохранители ачылып, октолуп даяр турганбы?

-2

Комментарий калтыруу үчүн өз ысымыңыз менен кириңиз же каттоодон өтүңүз.