"Дүйшөмбү шаарында изолятордо жатат". Баткенде дары чөп терген Кыргыз жаранын Тажикстандын коопсуздук кызматкерлери кармап кетишти

Баткенде дары чөп терген жергиликтүү тургунду Тажикстандын Улуттук коопсуздук мамлекеттик комитетинин кызматкерлери кармап кетишти. Учурда Кыргыз жараны Тажикстандын Дүйшөмбү шаарындагы убактылуу кармоочу жайда экени Мамлекеттик чек ара кызматы тарабынан маалым болду.

Мекеменин билдирүүсүнө ылайык, 6-сентябрда саат 20:00 чамасында Баткен районунун Үч-Дөбө айылынын тургуну Кубанычбек Акматов коңшу өлкөнүн коопсуздук кызматкерлери тарабынан кармалган.

"Алдын ала маалыматтар боюнча, Кубанычбек Акматов Кыргыз жергесинин аймагында дары чөптөрдү чогултуп бүткөндөн кийин Үч-Дөбө айылы тарапка бара жаткан. Тажикстандын коопсуздук кызматкерлери Акматовду Тажикстандын жарандарына чөп сатуу ниети бар деп айыптап, транзиттик жолдон кармап кетишкен. Кармоо учурунда Кыргыз жаранынын жанынан 100 килограмм болгон болжол менен чайыр чөп же чаар куурай табылган.

Учурда Кыргыз жаранынын кармалышы боюнча тараптардын облустук ички иштер башкармалыктарынын башчыларынын деңгээлинде сүйлөшүүлөр жүрүп жатат. Жакын арада Кыргыз өлкөсү менен Тажикстандын чек ара өкүлдөрүнүн жолугушуусу болот, анда Акматовду өз мекенине кайтаруу маселеси турат. Тажик тараптын маалыматына ылайык, азыркы тапта Кыргыз жараны Дүйшөмбүдө убактылуу изолятордо жатат", - дешти маалымат кызматынан.

Автор: Бактыгүл Момбекова

21:47 07-09-2021

Жазылуу

РУБРИКАДАГЫ СОҢКУ КАБАРЛАР

13:59 2025-05-25 | Түркүн дүйнө

"Терезеден чыгып кетишти". Колумбияда катталган жол кырсыгы адам өлүмүнө алып келди 1 0

13:29 2025-05-25 | Түркүн дүйнө

"12 жолу бычакталып". Талдыкорганда мейманканадан аялдын денеси табылды 173 0

13:15 2025-05-25 | Түркүн дүйнө

Илон Маск саясаттан кетүүнү чечти. Себеби 263 0

12:03 2025-05-25 | Кылмыштар, кырсыктар

Бишкекте интим кызматын көрсөткөндөр аныкталууда (видео) 734 0

10:50 2025-05-25 | Спорт

Кыргызстандын алыш белбоо күрөшү боюнча курамасы Азия чемпиондугунан 23 медаль жеңди (видео) 333 0

10:04 2025-05-25 | Коом жана турмуш

Көкөмеренге балык уулоого кетип дайынсыз жоголгон жаранды издөө уланууда 444 0

Архив

Комментарийлер (1)

Bek.v.aktatyr

2021-09-08 01:06:36

Тажиктер тажаттыго 10 тажикти камап койгулачы, алар дагы суйлошкону келсин Тен Ата суйлошконго киши барбы бийликте. Ушундай боло берсе 10 15 жылдан кийин Баткенде ким калат. Эл тынч коркпой уркпой жашагысы келет.

Комментарий калтыруу үчүн өз ысымыңыз менен кириңиз же каттоодон өтүңүз.