Чүйдүн Кемин районундагы тоонун коктусунан чыккан өрт чектөөгө алынды. Көк-Жар токоюнда куураган чөптөн, бадалдардан жана дарактардан чыккан өрт бүгүн, 9-сентябрда саат 17:50дө чектөөгө алынды. Учурда өрттү толук өчүрүү иштери жүрүп жатат дешти Өзгөчө кырдаалдар министрлигинен.
Белгилей кетсек, 7-сентябрь күнү Чоң-Кемин өрөөнүндө Көк-Жар, Борду коктуларында куураган чөптөн, бадалдардан жана дарактардан өрт чыккан. Буга жарандардын шалаакы жана кайдыгер мамилеси себеп болгонун ӨКМнын маалымат кызматы
кабарлаган.