Аскар Акаев "Алтын балалык" ден соолугунун мүмкүнчүлүгү чектелген балдардын реабилитациялык борборуна 1 миллион сом акча бөлөт

Сүрөттөр 2019-жылы тартылган.

Өлкөнүн туңгуч президенти Аскар Акаев Чолпон-Ата шаарында жайгашкан "Алтын балалык" ден соолугунун мүмкүнчүлүгү чектелген адамдар жана балдар үчүн реабилитациялык борборуна 1 миллион сом акча бөлөт. SUPER.KG порталына маалыматты Аскар Акаевдин жакындары тастыкташты.

Жакындарынын айтымында, ал акча Акаевдин илимдер фондунан ала турган акчасы.

Бүгүн, 15-октябрда Ысык-Көл облусунун Чолпон-Ата шаарында жайгашкан "Алтын балалык" ден соолугунун мүмкүнчүлүгү чектелген адамдар жана балдар үчүн реабилитациялык борборун ишке киргизүү үчүн каражат топтоо боюнча кайрымдуулук марафону өттү.

Биринчи айым Айгүл Жапарова сөз сүйлөп, үй-бүлөсүнүн атынан 500 миң сом берген.

Ал эми "Алтын балалык" борборун ишке киргизүү үчүн мамлекет башчысынын фондунан 3 миллион сом бөлүнгөн.

Автор: Айсалкын Качкынбекова