Алтынбек Абдувапов Мамлекеттик салык кызматынын төрагасы болуп дайындалды

Алтынбек Абдувапов Финансы министрлигине караштуу Мамлекеттик салык кызматынын төрагасы болуп дайындалды. Бул тууралуу аталган мекеменин басма сөз кызматы кабарлады.

Билдирүүгө ылайык, тиешелүү буйрукка министрлер кабинетинин төрагасы, президентинин администрациясынын башчысы Акылбек Жапаров кол коюп, жаңы жетекчини жамаатка өзү тааныштырган.

Салык кызматынын жаңы башчысы Алтынбек Абдувапов салык кызматында 2011-жылдан бери иштейт. Акыркы дайындоого чейин мамлекеттик салык кызматынын төрагасынын орун басары кызматын аркалаган.

Автор: Азат Бейшенбеков