Кыргыз өлкөсүнүн жарандыгын 1 миң 207 адам алды

Президент Садыр Жапаров Кыргыз Республикасынын жарандыгына кабыл алуу жана Кыргыз Республикасынын жарандыгынан чыгуу жөнүндө жарлыктарга кол койду. Бул тууралуу президенттик администрациянын басма сөз кызматынан билдиришти.

Анын ичинде президенттин үч жарлыгы 1 миң 207 кишиге (820 - чоңдор жана 387 бала) Кыргыз өлкөсүнүн жарандыгына кабыл алуу жөнүндө. Өлкөнүн жаңы жарандарынын көпчүлүгү тарыхый мекенине кайтып келген этникалык кыргыздар.

Ошондой эле президенттин дагы бир жарлыгы – 53 кишиге Кыргыз Республикасынын жарандыгынан чыгуу жөнүндө (45 – чоңдор жана 8 бала).

Жалпы арыздар - 1260 адам (865 - чоңдор жана 395 - балдар).

Автор: Жылдыз Джускембаева