Бишкекте вакцина алгандар кинотеатр, дүкөндөрдө 20 пайызга чейин арзандатууга ээ болот

Бишкек шаарындагы Биринчи Май районунун акимчилиги коронавируска каршы эмдөө алган жарандарга белек катары кинотеатр, дүкөн жана тамактануучу жайларда арзандатууларды тартуулайт. Бул тууралуу Бишкек мэриясынан билдиришти.

Мындан ары вируска каршы вакцина алгандар төмөндө көрсөтүлгөн жерлерде арзандатууларды колдоно алышат:

"Россия" кинотеатры - 5 пайыз;

"LION" бут кийимдер дүкөнү - 5 пайыз;

"ETOR" бут кийимдер дүкөнү - 5 пайыз;

"BAIRA" мода үйү - 5 пайыз;

"Sierra" кофе ичүү жайы - 10 пайыз;

"Park cafe" түрк ашканасы - 10 пайыз;

"ATOM" компьютердик клубу - 10 пайыз;

"Жаклин" гүл дүкөнү - 10 пайыз;

"Madfood" тамактануучу жайы - 15 пайыз;

"Joma" спорттук кийимдер дүкөнү - 20 пайыз.

Бишкек мэриясы аталган арзандатуулар вакцина алгандан 7 күн өткөң соң күчүнө кирерин билдирет. Ошондой эле аларды пайдалануу үчүн паспорт жана вакцина алгандыгын тастыктаган сертификат жанында болушу керектигин баса белгилейт.

"Вакцина алуу ар бир адамдын өз эрки. Биз өзүңүздүн жана жакындарыңыздын ден соолугуна кам көрүүгө чакырабыз", - деп айтылат мэриянын билдирүүсүндө.

Автор: Жанбулат Жумабеков