Президент гендердик теңдүүлүк тууралуу суроого: "Аялдар эркин жүрөсүңөр, каалаганыңарды кылып жатасыңар"

Президент Садыр Жапаров "Кыргыз өлкөсүндө аялдар эркин эле жүрөсүңөр го, каалаганыңарды кылып жатасыңар" деген пикирин бүгүн, 23-октябрда өткөргөн маалымат жыйында айтты.

Өлкө башчысына журналисттердин бири: "Жакында түзүлгөн министрлер кабинетинин жаңы курамында бир гана аял бар, калгандары мырзалар экен. Башкаруу системасында 30 пайызы аялдар болушу керек деген парламентке эле тиешелүүбү же жалпы башкаруу органдарынабы?" деген суроону берди.

"Кыргыз өлкөсүндө аялдар эркин. Ал эми министрлер кабинетинде ооба, бул боюнча кемчиликтер бар", - деди Жапаров.

Автор: Жылдыз Джускембаева