Садыр Жапаров Азербайжандын Кыргыз өлкөсүндөгү элчиси менен эки тараптуу кызматташтык тууралуу сүйлөшүштү

Президент Садыр Жапаров Азербайжан Республикасынын Кыргыз мамлекетиндеги атайын жана толук ыйгарым укуктуу элчиси Гидаят Оруджевди анын дипломатиялык миссиясынын аяктагандыгына байланыштуу кабыл алды. Бул тууралуу президенттик администрациянын басма сөз кызматынан билдиришти.

Эки тараптуу мамилелердин актуалдуу маселелери талкууланды.

Мамлекет башчысы Азербайжан Кыргыз мамлекетинин маанилүү өнөктөшү экенин жана өлкөлөр ортосундагы мамилелер жалпы тарых, маданият, тил, руханий жана диний баалуулуктардан келип чыккан бекем достук жана бир туугандыкка негизделгенин белгиледи.

Президент Садыр Жапаров Гидаят Оруджевге жана анын жакындарына чың ден соолук жана мындан аркы ишмердүүлүгүнө ийгилик каалап, ошондой эле Азербайжан президенти Ильхам Алиевге салам жолдоону өтүндү.

Гидаят Оруджев мамлекет башчысына ыраазычылык билдирип, ошондой эле Азербайжан президенти Ильхам Алиевдин боордош кыргыз элине эң жакшы каалоо-тилектерин билдирди.

Гидаят Оруджев Кыргыз өлкөсү менен Азербайжан ортосундагы кызматташтык мындан ары да тереңдеп жана кеңейерине ишенимин билдирди.

Автор: Жылдыз Джускембаева