Бүгүн, 26-октябрь күнү Бишкекте Москва жана Тоголок Молдо көчөлөрүнүн кесилишинде эртең менен троллейбус кыймылы убактылуу үзгүлтүккө учурады. Бул боюнча "Бишкек троллейбус башкармалыгы" ишканасына байланышканыбызда белгилүү болду.
Маалыматка ылайык, үзгүлтүккө учуроого зымдардын эскилиги жеткени себеп болгон.
"Троллейбустар 37 мүнөткө токтоп, авариялык кызмат саат 7:53тө көйгөйдү чечти", - деп билдиришти мекемеден.