Бишкекте бийиктиктен боюн таштаган жигиттин жакындары: "5 саатта куткара алышпаганы уят"

27-октябрда Бишкектин Сүйөркулов жана Байтик баатыр көчөсүндө курулушу токтоп калган көп кабаттуу үйдөн 22 жаштагы Мунарбек Ташкулов боюн таштап каза болду. Анда жеринде 5 саатка жакын ӨКМнын куткаруу кызматы, Октябрь РИИБинин ыкчам тергөө тобу, "Тез жардам" кызматы иш алып барган.

Мунарбек Ташкуловдун эжеси Кундуз Бердишова куткаруучулардын ишине нааразы.

"Мага Мунарбектин атасы, менин агам телефон чалып, "Мунарбек бир кызды алам дегенби же урушуп алганбы, айтор боюн таштайм деп жатыптыр. Ошол кызды алып кел же өзүм барайын" деди. Андай болсо алып берип койгула десем, мен анын баарын азыр уктум деп айтты. Анда мен коё туруңуз, ал жерге барайын дедим.

Оюма мындай нерсе келген эмес. Такси менен келип, ары-бери жакты карап таппайм, бир кезде эле көп кабаттуу үйдүн эң башкы кабатында инимди ар ким телефонго тартып жатышыптыр. Ошондо Мунарбекти тааныдым. Ошол жерден эле баягы үйгө жетип бардым. Ал жакка киргизбей жатып араң киргизишти. ӨКМ, ИИМдин кызматкерлери толо жүрүптүр. Мен аларга эжеси экенимди айтып, Мунарбек менен сүйлөшүүнү сунуштап, жалдырадым.

Акыры алар мени коё берди. "Мунаш, кел сүйлөшөлү. Кызды алалы, азыр жолго чыгалы" деп кайрылдым. Бирок кызматкерлер мени ары түшүрүп кетишти.

Ошондо биз 5 саат алыштык. Бирок ошол убакытта ӨКМнын куткаруу кызматынын бир дагы даярдыгы болбогонуна абдан таң калдым. 5 саатта эч нерсе кыла алган жоксуңарбы дедим, жок дегенде тосуп алган бир нерсе даярдап койдуңарбы дедим. Бирок алар эч нерсе кылышпаптыр.

Ал аңгыча Мунарбек секирди. Мен ал убакта Мунарбекти астынан куткаруучулар тосуп алды го деп ойлогом. Болбосо өзүм ошол жерге турат элем. Бирок алар даярданышпаптыр. Алар эч нерсе кылышпаптыр. Мен инимди көргөндө эле анын бозоруп турган кебетесин көрдүм. Анан ооруканага алып кетишти, орто жолдо каза болуп калганын айтышты. Мына азыр эми өлүкканага алып келишти.

Мунарбек Чаткал районунан болот. 4 бир тууган. Өзү жайдары бала эле. Ал студент болчу, өзү окуп, иштеп жанын бакчу. Кээде таксиде иштеп калчу", - деди ал.

Ал эми бул ишке Мунарбекти эмне түрткү кылды деген суроого: "Сүйлөшкөн кызы деген бир кызды бул жакка алып келишиптир. Аны менен деле сүйлөштү дейт. Ырас, ал кыз бул жакка келсе, ортосунда болгон нерсеби дейм да. Эми мен аны күнөөлүү деп айта албайм. Эмне себептен бул окуя катталганын мен дагы билбей жатам", - деп жооп берди.

Ал эми Мунарбек менен бир батирде жашаган классташы Арген Кудайбердиев төмөнкүлөргө токтолду.

"Бүгүн эртең менен Мунарбек экөөбүз чогуу туруп, бирге тамактанганбыз. Жаман нерсе болушунан белги жок болчу. Андан кийин эле досумдун атасы телефон чалып, "ушундай болуп жатыптыр, билчи" деди. Мен дос балдарды чогулттум. Бирок жетише алган жокпуз. Түз эле ооруканага бардык. Ал жерге барсак өлүкканага алып кетишкен экен. Негизи ӨКМнын кызматкерлерине "кызды алып келгиле" деген экен. Өлүмгө алып барчудай башка олуттуу себептери жок болгон. Мунарбек өзү так жүргөн жигит болчу. Өзүнүн маселелерин ар дайым өзү чеччү. Бирөөдөн жардам сурачу эмес. Көйгөйлөр жаралган учурда аны күлүп жеңген позитивдүү бала эле. Бул жерде биздин куткаруу кызматтын шалаакылыгы болуп калды. 5 саат бир адамдын өмүрүн сактап калуу үчүн жетишерлик убакыт болчу. Алар аракет кылышкан жок. Бул окуяга күлкүң келет. 5 саатта бул жерге бассейн да куруп койсо болот. Алар таптакыр болбогондо батут же башка нерсе кылганга да аракет кылыш керек эле да. Алар аны дагы кылган жок".

Бишкекте көп кабаттуу курулуштан боюн таштоого аракет кылып жаткан 22 жаштагы жарандын секирген видеосу

Автор: Айсалкын Качкынбекова

00:49 28-10-2021

Жазылуу

РУБРИКАДАГЫ СОҢКУ КАБАРЛАР

20:54 2025-05-12 | Коом жана турмуш

Жалал-Абадда Жапаров менен Ташиевдин эл менен чогуу жүргөн видеосу жарыяланды (видео) 104 0

20:32 2025-05-12 | Коом жана турмуш

Садыр Жапаров Жалал-Абадда МИКтин батирлерин ээлерине тапшырды 155 0

20:02 2025-05-12 | Кылмыштар, кырсыктар

Бишкекте көчөдө эле аялды ур-токмокко алган эркек киши кармалды (видео) 834 0

19:37 2025-05-12 | Коом жана турмуш

Өкмөт башчы Эверестти багындырган айымды видео байланыш аркылуу куттуктады 264 0

19:02 2025-05-12 | Кылмыштар, кырсыктар

Таласта 2 унаа сүзүшүп, 3 адам каза тапты 503 0

18:30 2025-05-12 | Коом жана турмуш

Чылым тарткан Бишкек шаарынын депутатына айып пул салынды (видео) 905 0

Архив

Комментарийлер (16)

Kolyaa

2021-10-28 01:03:46

Чында 5 саатта эчнерсе кыла алышпаса эмне үчүн айлык алып иштеп жүрүшөт.Ошол кызматкерлерди жоопко тартыш керек.

+10

Bishkek-Kg

2021-10-28 01:04:46

Чын эле 5 саатта жерге жайчусун жайып, керектүү каражаттардын бүт баарын таап койсо болмок, ушундай да шалаакы, тормоз болушабы. Мейли эми өлгөндүн өзүнүн шоруда.

Baha.Kyrgyzstan

2021-10-28 01:25:39

Өлгөн өзүнүн шору ата энеңдин азыркы акыбалын билгениңде ушул кадамга барбайт элең.жаткан жери жайлуу болсун

+10

Tynar1213

2021-10-28 04:22:46

Кыз үчүн өлөм дегендерди түртүп жибериш керек

+15

bazar

2021-10-28 04:30:04

Tynar1213, ооба. Тууру айтасың.

Taalaibek.

2021-10-28 08:14:47

Ошол жердеги катышкан ӨКМ, ИИМдин кызматкерлерин толуг менен шалаакылыгы учун баардыгын жумуштан алыш керек.

Asman779

2021-10-28 08:31:44

5 саатта ал жерге бош коробкаларды үйүп салышмак, жакшы аракет кылбаптыр мчс

Turdueva

2021-10-28 11:01:06

Биринчиден куну суусу тугонгон ажалга себепошол болгон экинчиден Антара чаап эле жерге тушуруп алып барып камап малыш керек эле бег саатта коп нерсеге жетишсе болмок

dosym

2021-10-28 11:09:53

Секирбей эле койгула эми, Баары бир МЧС куткарбайт

Sanjura

2021-10-28 12:26:43

ӨКМдин министри уятың болсо арызыңды жазда кет.5саатта ушундай кырсыктын алдын ала албасаң!!Каның кайнайтта биздин шалаакы адамдарга.Дагы аты "Өзгөчө кырдаалдар" имиш.

nurik73

2021-10-28 15:15:20

мчс уят. 5 саатта алпинист деле чыгып бармак

nurik73

2021-10-28 15:16:36

мчсге былчыйган акчалар которулат корупсионердин баары ошол жакта

Hanzada.sabih

2021-10-28 16:19:11

Ой баласын тарбиялай албай эле эмне МЧСке жабышат?!

jalgyzymsyn

2021-10-28 16:23:08

Өлөм деген адамды куткаруучулар куткарбайт да. Ал балким психикалык оруусу бардыр. Балага туура тарбия берүү керек эле. Шарият менен жашоо керек.

jalgyzymsyn

2021-10-28 16:24:38

Бул мчс жардам берчү кырсык эмес, ал өзү тандады ушул жолду

Kari

2021-10-28 17:49:24

Ажалдан эч ктм куткара албайт.Чындап куну,суусу тугонсо туз жерден чалынып деле оло берет.Олумду кучтуу адам тандайт деген болбогон соз.Кучтуу адам ар кандай кыйынчылыкты женип откон адам.

Комментарий калтыруу үчүн өз ысымыңыз менен кириңиз же каттоодон өтүңүз.