Рулдагы жылдыз берүүбүздүн кезектеги коногу памирлик кыргыз Турганбай Памири азыркы учурда 2-курсунун студенти. Ал кечээ жакында эле унаа алып сүйүнүчү коюнуна батпай тургандыгын билдирип биз менен маек курду.
"Азыркы учурда Кыргыз улуттук университетинде 2-курсунун студентимин. Унаа алганымда көптөрү таң калышты. "Кантип алдың өзүң студент болсоң?" дегендери да болбой койгон жок. Мен Памирде топоз, ат минип эле чоңойгон баламын, бул жакка келип ушундай ийгиликтерди багындырганым мен үчүн сыймык", - дейт Турганбай Памири.