ЖЫЛНААМА: Эсибизде жана сүрөттөрдө жаш, сулуу бойдон сакталып калды. Гүлбү Ороскул кызы төрөлгөн

Бүгүн, 1-ноябрда ырчы Гүлбү Ороскул кызы тирүү болгондо 45 жашка чыкмак.

Ал 1976-жылдын 1-ноябрында Жалал-Абад облусуна караштуу Аксы районунун Авлетим айылында төрөлгөн. 1991-жылы Авлетим орто мектебинен 8-классты аяктап, Бишкек шаарындагы Мураталы Күрөӊкеев атындагы музыкалык окуу жайына келип тапшырып, 1995-жылы ийгиликтүү аяктаган. 1996-жылы Бүбүсара Бейшеналиева атындагы Искусство институтуна тапшырып, 2000-жылы бүтүргөн.

Таланттуу ырчы калың элге өзүнүн "Балама", "Арзуу", "Мажүрүм тал", "Менин өмүр жазым", "Агылам сага", "Ортомчу бизге Ысык-Көл" жана башка ырлары менен белгилүү болгон.

Гүлбү Ороскул кызы Элмирбек Иманалиев менен Айзуура жана Сезим аттуу кыздарды тарбиялашкан.

Ал өмүрүн искусство жана музыкага арнаган.

2000-жылдан бери маданият чөйрөсүндө кызмат кылып келген, фольклор жана эстрада ырчысы кыргыздын белгилүү ырчы айымдарынан түзүлгөн «Достор» тобунда да ырдап келген.

2015-жылдан бери КТРКнын «Кыз-жигит сармерден» теледолбоорунун алып баруучусу болуп эмгектенген.

Ырчы 2017-жылдын 6-октябрында оорудан улам көз жумган.

2020-жылы ырчынын мурунку жолдошу, төкмө акын Элмирбек Иманалиев оорудан улам көз жумган.

Гүлбү Ороскул кызынын жаркын элеси кыргыз элинин жүрөгүндө жашай бермекчи.

1-ноябрга карата жылнаама.

Автор: Жолдубек Качкынбаев

02:00 02-11-2021

Жазылуу

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 1485 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 153 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 893 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2351 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 962 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 978 0

Архив

Комментарийлер (3)

Medina87

2021-11-01 20:33:16

Журогум ооруп Кетти((
Жаткан жерлери жайлуу болсун!

Zhainash

2021-11-01 21:57:23

Жаткан жери жайлуу болсун.Аллахым бейиштен орун берген болсун

Sajakat14

2021-11-02 15:15:09

Абдан эмгекчил, шуулдап жеңил туруп, жеңил отурган айым эле! Оозунан ыры куюлган, күлгөнү сулуу, кымча бел назик эжеке эле!Күлгөндө жарк дей түшчү жөн эле. Аттиң таланттуулар, жакшылар эрте эле кетип калат экен! Элмирбек агай дагы абдан таланттуу агай эле! Эхх дүйнө. Жакшыларды Жараткан оо дүйнөгө алып кетпесе Кыргызстандын көркөм чыгармачыл дүйнөсүнө далай албан албан салымдарын кошушмак алтын адамдар! Убагында ушул таланттуу адамдарыбыз дын баркын жакшы биле алган жокпуз окшойт!

Комментарий калтыруу үчүн өз ысымыңыз менен кириңиз же каттоодон өтүңүз.