Ош мамлекеттик университетинин ректору Кудайберди Кожобеков ээлеген кызматынан бошотулду. Бул тууралуу министрлер кабинетинен кабарлашты.
Кыргыз Республикасынын президентинин 2021-жылдын 1-ноябрындагы №512 "2021-жылдын 28-ноябрында Кыргыз Республикасынын Жогорку Кеңешинин депутаттарын шайлоону эркин, таза жана ачык-айкын өткөрүүнү камсыз кылуу боюнча чаралар жөнүндө" жарлыгын аткарбагандыгы үчүн Ош мамлекеттик университетинин ректору Кожобеков Кудайберди Гапаралиевич ээлеген кызматынан бошотулду", - деп жазылат билдирүүдө.
Тийиштүү чечимге министрлер кабинетинин төрагасы Акылбек Жапаров кол койгон.
Аталган чечим Шайлоо жана референдум өткөрүү боюнча борбордук комиссиянын 2021-жылдын 6-ноябрындагы №1125 чечиминин негизинде кабыл алынган.