Жантөрө Сатыбалдиев: "Чиновниктердин командировкаларына кеткен акчага 10 мектеп курулмак"

Чиновниктердин командировкаларына кеткен акчага 10 мектеп курулмак. Мындай пикирди өкмөт башчы Жантөрө Сатыбалдиев Жогорку Кеңештин кезектеги жыйынында билдирди. "2012-жылы чиновниктердин командировкасына 583 миллион сом коротулган. Бул каражатка 10 мектеп курулмак. Бул сумманын ичине депутаттардын дагы командировкалары кирет. Ал эми мамлекеттик органдардын транспорт чыгымдарына 790 миллион сом сарпталды. Эгер биз ушунун жок дегенде 10%ын сарамжалдасак, 10 мектеп болбосо дагы 2 мектеп курмакбыз",- деди Жантөрө Сатыбалдиев.

Автор: Айдай Асанбекова