Франция жана Катар өлкөлөрү Ооганстанга 40 тонна гуманитардык жардам көрсөттү

Франция жана Катар өлкөлөрү Ооганстанга 40 тонна гуманитардык жардам көрсөттү. Бул тууралуу чет элдик басылмаларда жазылды.

Маалыматта гуманитардык жардам катары медициналык жабдыктар, тамак-аш жана кышкы кийим-кечелер жеткирилгени жазылат.

"Ооганстандагы эл аралык уюмдарга 40 тоннага жакын медициналык жабдуулар, азык-түлүк жана кышкы кийимдер жеткирилди. Бул биргелешкен гуманитардык жардам Франция менен Катардын узак мөөнөттүү өнөктөштүгүн, ошондой эле эки өлкөнүн ооган калкын колдоого умтулуусун көрсөтөт", - деп жазылат маалыматта.

Гуманитардык жардам Франция менен Катардын тышкы иштер министрликтери тарабынан ишке ашырылды.

Эске салсак, август айында "Талибандар" Ооганстандын чек арасынын бардык тарабын өз көзөмөлүнө алышкан.

Маалымат үчүн: "Талибан" кыймылы - Кыргыз өлкөсүнүн аймагында террористтик жана экстремисттик уюм катары таанылган жана ишмердүүлүгүнө тыюу салынган.

Автор: Айжанар Рыспек кызы