Лейлекте чек арачылар тарабынан мыйзамсыз жүктөрдү алып өтүүгө бөгөт коюлду

Баткенде чек арадан мыйзамсыз өткөрүлүп жаткан жүккө бөгөт коюлду. Бул тууралуу УКМКнын Чек ара кызматынан билдиришти.

Баткен облусунун Лейлек районунун Интернационал айылында УКМКнын чек ара отрядынын кызматкерлери тарабынан 1995-жылы туулган Кыргыз жараны А.Ш.нын башкаруусундагы Opel Zafira үлгүсүндөгү унаа кармалган. Текшерүү учурунда унаанын салонунан Тажикстанда өстүрүлгөн 470 килограмм мандарин табылган.

Ошондой эле Лейлек районунун Беш-Кент айылында чек ара отрядынын кызматкерлери тарабынан Ниссан үлгүсүндөгү унаанын 1988-жылы туулган айдоочусу (Кыргыз жараны) кармалган. Текшерүү учурунда Тажикстандан 500 килограмм жүзүм алып кирүүгө аракет кылганы аныкталды.

Эки учурда тең айдоочулар Тажикстандан Кыргыз өлкөсүнө мыйзамсыз товар алып өтүүгө аракет кылышкан", - деп жазылат маалыматта.

Тиешелүү документтер толтурулгандан кийин кармалган адам жана жүктөр кошумча иликтөө үчүн компетенттүү органдардын кызматкерлерине өткөрүлүп берилди.