Өспүрүмдөргө “Хизб-ут-Тахрир” диний экстремисттик уюмунун идеологиясын үйрөткөн жаран кармалды

Өспүрүмдөргө “Хизб-ут-Тахрир” диний экстремисттик уюмунун идеологиясын үйрөткөн жаран кармалды. Бул тууралуу УКМКнын басма сөз кызматынан билдиришти.

Маалыматка ылайык, 6-декабрда УКМК тарабынан сотко чейинки өндүрүштүн алкагында Биринчи Май райондук сотунун тергөө судьясынын санкциясынын негизинде тыюу салынган “Хизб-ут-Тахрир” диний экстремисттик уюмунун активдүү мүчөлөрүнүн жашаган жеринде тинтүү жүргүзүлдү.

Жүргүзүлгөн иш-чаралардын жыйынтыгында “Хизб-ут-Тахрир” диний уюмунун медиа канатынын активдүү кызматкери, 1997-жылы туулган М.А. аттуу жарандын жашаган жеринде көп сандагы диний адабияттар, конспекттер, электрондук китептер, 9 уюлдук телефон табылып алынган.

Ал эми 1994-жылы туулган жарандын жашаган жеринен 1 ноутбук, 4 флешка, теократиялык мамлекеттин конституциясынын долбоору жазылган 1 брошюра, 1 күндөлүк табылып алынган. Алар жашаган үйдө Араб тилинин грамматикасын үйрөтүү деген шылтоо менен “Хизб-ут-Тахрир” диний уюмуна дуушар кылуу максатында жашы жете элек балдарга мыйзамсыз диний билим берүү уюштурушканы аныкталган.

Иликтөө маалында батирде Кыргыз республикасынын ар кайсы аймактарынан 10 жаштан 17 жашка чейинки 7 өспүрүм бала болгон, алардын көбү эмгек мигранттарынын балдары экендиги аныкталган. Жүргүзүлгөн иликтөө иш-чараларынын жыйынтыгы менен М.А. аттуу жаран УКМК тергөө камак жайына киргизилген. Ал эми өспүрүм балдар жакындарына өткөрүлүп берилген.
Азыркы учурда сотко чейинки өндүрүш боюнча тергөө иштери уланууда.

17:12 07-12-2021

Автор: Айсалкын Качкынбекова

Жазылуу

РУБРИКАДАГЫ СОҢКУ КАБАРЛАР

23:10 2024-05-13 | Түркүн дүйнө

Бишимбаевдин соту: Салтанат Нукенованын атасы билдирүү жасады 1305 0

22:17 2024-05-13 | Коом жана турмуш

"Университеттен айдалбайсың". Түркияда билим алып жаткан Айкан түрк университеттериндеги өзгөчөлүктөрдү айтып берди 772 0

21:40 2024-05-13 | Спорт

Кыргыз волейболчулары Иранды 3:0 эсебинде утуп алышты 722 0

21:07 2024-05-13 | Маданият, шоу-бизнес

"Кыргызстанга кош кел!". "D Billions" Кыргызстан тууралуу ырга клип тартты 723 0

20:59 2024-05-13 | Спорт

Казак бийлиги Дүйнөлүк көчмөндөр оюндарынын программасын өзгөрттү 1369 0

20:13 2024-05-13 | Коом жана турмуш

Бишкек мэриясынын кызматкерлерине жумасына 2 күн жумушка өз унаасы менен келүүгө тыюу салынды 805 0

Архив

Комментарийлер (2)

alimbek94

2021-12-07 19:32:34

Адамдарды дин аркылуу мээсин айлантып ушундай жаман иштерге тартып жатышат. Динчилдерди согушка жана башка чыр чатактарга тартуу үчүн "каапыр" деген сөз жетиштүү. Элдин светтик дүйнө таанымын көтөрүү керек.

Maku1

2021-12-07 22:02:54

Билим берүүгө көбүрөөк көңүл бурушубуз керек!!!

Комментарий калтыруу үчүн өз ысымыңыз менен кириңиз же каттоодон өтүңүз.