"Арасында эгиздер бар". Өлкөдө Жаңы жыл күнү 265 ымыркай жарык дүйнөгө келди

Өлкөдө сутка ичинде 265 ымыркай жарык дүйнөгө келди. Бул тууралуу Саламаттыкты сактоо министрлигинин басма сөз кызматынан билдирди.

Маалыматка ылайык, 121 кыз төрөлгөн. Эң көп төрөт Жалал-Абад облусунда болуп, 64 ымыркай төрөлгөн. Бишкектин шаардык перинаталдык борборунда эгиздер төрөлдү.

Жаңырган жылда Талас облустук бириккен ооруканасында биринчилерден болуп 3,16 килограмм салмактагы эркек бала (саат 00:01) жана Жалал-Абад облусунун Сузак районундагы жалпы дарыгерлик практика борборунда саат 00:05те 3,6 килограмм салмактагы эркек бала төрөлгөн.

Автор: Жолдубек Качкынбаев