"Айыптуулар тиешелүү жазасын алат". Оорукананын алдындагы ката жазылган такта алынды

Саламаттык сактоо министрлигинин Карантиндик жана өтө кооптуу жугуштуу оорулардын республикалык борборунун алдында ката жазылган такта алынды. Бул тууралуу аталган оорукананын жетекчисинин орун басары Сталбек Бердиев SUPER.KG порталына билдирди.

"Такта анда жазылган катаны оңдоо үчүн алынды. Аны жасагандар биздин кызматкерлерге алдын ала көрсөтпөстөн илип коюшкан. Биз чуу чыгаргандыктан алар катаны дароо оңдогонго убада беришти. Айыптуулар тиешелүү жазасын алат" - деди ал.

Эскерте кетсек, социалдык тармактын колдонуучулары Саламаттык сактоо министрлигинин Карантиндик жана өтө кооптуу жугуштуу оорулардын республикалык борборунун алдында ката жазылган аталышты кызуу талкууга алышкан.

Автор: Жолдубек Качкынбаев