Бишкекте лифтте калып калган 45 адам куткарылды

Бишкекте лифтте калып калгандардын ичинен 45 адам эвакуацияланды. Бул туурасында Бишкек шаардык мэриясынан кабарлашты.

"Бишкек лифт" ишканасына шаар тургундарынан 45 ирет чакыруу болду. Алар лифтте калып калышканын билдиришти. Ыкчам түрдө жарандар лифттен чыгарылды. Алардын бирине да медициналык жардам зарыл болгон жок. Азырынча дагы канча адам лифтте калганы белгисиз. Кошумча маалымат берилет", - дешти маалымат кызматынан.

Белгилей кетсек, бүгүн, 25-январда Борбор Азияда электр шакекчесинде авариялык абал жаралды. Мындан улам өлкө аймактарында электр жарыгы үзгүлтүккө учурады.

Автор: Бактыгүл Момбекова