Баткенде эвакуацияланган жарандар үйлөрүнө кайтууда

Баткен облусунда түзүлгөн соңку кырдаалга байланыштуу Баткен шаарындагы убактылуу жайгаштыруу жайларында турган жарандар өз үйлөрүнө кайтууда. Бул тууралуу Өзгөчө кырдаалдар министрлигинин басма сөз кызматынан билдиришти.

Алгачкылардан болуп Баткен шаарындагы убактылуу жайгаштыруу пунктунан Ак-Сай, Миң-Булак айылынан келген жарандар 2 спринтер автоунаасы менен жөнөп кетишти. Аларды Өзгөчө кырдаалдар министрлигинин кызматкерлери коштоп кетти.

Өзгөчө кырдаалдар министрлигинин Баткен облусундагы башкармалыгынын кызматкерлери күчөтүлгөн режимде иш алып барууда.

Автор: Жылдыз Джускембаева