Министр: “Кумтөр элге кайтты, эми Сабырбек Жумабеков ээлеп алган оорукананы элге кайтарыш керек”

Саламаттыкты сактоо министри Алымкадыр Бейшеналиев SUPER.KG порталына Бишкектеги Травматология, ортопедия жана илим изилдөө борборун шаардык клиникалык Тез жардам ооруканасы кылып кайра түзүү боюнча пикирин билдирди.

Ал Травматология, ортопедия жана илим изилдөө борборун кайра түзүүнү “оорукананы элге кайра кайтаруу” деп сүрөттөдү. Себеби Сабырбек Жумабеков жогорку кызматтагы тааныштары аркылуу ал жердеги оорукананы жоюп, жок жерден эле аталган борборду түзүп, өзү кетпес жетекчи болуп алган дейт.

“Мен эл үчүн иштегим келет. Мына "Кумтөр" кени деле элге кайтпадыбы, оорукана дагы элге кайтарылышы керек. Ал жерде Сабырбек Жумабеков жок жерден эле борборду түзүп, өзү жетекчи болуп алган”, - дейт министр.

Андан сырткары Жумабеков Травматология, ортопедия жана илим изилдөө борборунда өзүнчө эле “хандык” уюштуруп, “хан” болуп алган дейт.

“Ал жерге өзүнүн адамдарын, тааныштарын топтоп алган, муну элдин баары билет. Жадакалса оорукананын тазалык кызматкерлеринен бери тааныштары экен”, - деди Бейшеналиев.

Мындан сырткары борбор министрликтен каржыланганы менен министрликке баш ийбестигин билдирди.

“Ал борборду мэрияга өткөрүп алыптыр, ал эми аларга акчаны министрлик берет. Анын саясатчы, жогорку бийликте иштеген тааныштары көп болгондуктан башка министрлер коркуп тийише алышпай келишкен. Мен коркпойм, мен хирургмун, кызматыман алышса хирургдугумду улантып иштей берем. Мен эл үчүн иштегим келет, оорукананы элге кайтарыш керек.

Травматология, ортопедия жана илим изилдөө борборун шаардык клиникалык Тез жардам ооруканасы кылып кайра түзүлгөндө ага Сабырбек Жумабеков эмес, башка жетекчи дайындайбыз”, - деди министр.

Сабырбек Жумабеков менен байланышуу аракетибизден натыйжа чыкпай, бир нече жолу уюлдук телефонуна чалганыбызга жооп бербеди.

Автор: Кенжебай Сатканалиев

14:52 02-02-2022

Жазылуу

РУБРИКАДАГЫ СОҢКУ КАБАРЛАР

18:16 2025-06-07 | Түркүн дүйнө

Франциянын президенти Макрон Трамп коркутуп келген арал өлкөсүнө барат 1152 0

17:56 2025-06-07 | Түркүн дүйнө

Масктын компаниясы менен кызматташуудан баш тартуу Пентагон үчүн көйгөйлөрдү жаратат 1058 0

17:46 2025-06-07 | Кылмыштар, кырсыктар

Кантта оор жүк ташуучу унаа бир кишини сүзүп кеткени айтылууда (видео) 1378 0

17:21 2025-06-07 | Кылмыштар, кырсыктар

Ысык-Көлдөгү 80 миң долларлык жерге байланыштуу алдамчылыкка шектелген жаран кармалды 660 0

16:54 2025-06-07 | Түркүн дүйнө

Финляндияда Палестинаны колдогон активисттер Коргоо министрлигинин имаратын боёп салышты 658 0

16:31 2025-06-07 | Кылмыштар, кырсыктар

Бишкекте дайынсыз болуп жаткан 18 жаштагы кыздын сөөгү табылды 2885 0

Архив

Комментарийлер (14)

Tariel_tt

2022-02-02 15:21:30

Усатый старый таракан.

Tursunbaev1978

2022-02-02 16:11:38

Азаматсың,андай кыйын,эл үчүн иштесең,Мамакеев Мамбет ээлеп алган жайдыда элге кайтар,ошондо ишенебиз,же тишиң өтпөйбү Мамакеевге

+19

S_E_M

2022-02-02 16:40:20

Ушуну жөн эле койбойбу бул кишинин колунан канча үмүтсүздор басып элден кем калбай басып аралашып жүрөт керек болсо борбор Азиядагы эң жакшы травматология кошуна өлкөлөрдөн да келип даарыланып кетишет өз кесибин сүйгөн мыкты адам мен да үмүтсүз калганымда ушул кишини угуп барып дарыланган баса албай калган болчумун азыр Аллага шүгүр баары жакшы менде!

+10

sotkasotovic

2022-02-02 19:35:22

S_E_M,туура, бул кишинин элге кылган кызматын угуп журобуз бирок, мамлекеттик мекемени озуно откоруп алган туура эмесда, байлык бийлик акча ж.б баары калат, тиги дуйного алып кете албайсын, курсак ток, кийим бутун шугур деп жашообуз керек

Luntik

2022-02-02 16:45:31

Ооо аконит ичкен министр,дагы башына тал кулабасын жон эле журчу)))Сабырбек Жумабековдун колунан канча адам шыпаа таап айыгып кетип жатат, канча адамга бекер операция жасайт. Уялсан боло!!!!

Kamchy-bek

2022-02-02 17:00:26

Дагы көзгө жеп жүрбө

Samatisaev

2022-02-02 17:58:34

Ушунусу ашыкча болуп кетти

zam81

2022-02-02 18:40:01

Туура элдики элге иштесин

-4

aslan_akjol89

2022-02-02 18:57:57

Сабырбек Жумабековдун элге кылган эмгеги ото зор.Министрдин оюна кошулбайм.Сабырбек Жумабеков кай жерди иштетпесин элдин керегине иштетип жатат.

Datka7777

2022-02-02 19:58:29

Жумабеков жакшы ортопед болгону менен эн коррупционных схемада иштеген больница ал

jergetal

2022-02-02 20:50:32

Жакшы Хирург болсо эле Мамлекеттин Элдин мүлкүн каражатын уурдата бериш керекпи, ойлонуп жазсанар клавиатурный баатырлар, Мамлекетке кайтарыш керек туура кошулам....

Take90

2022-02-02 22:15:24

Бул тараканга караганда Жумабеков 1000 эсе элге пайдасы тийген

Batken-i-love-you

2022-02-03 11:03:36

Сабырбек Жумабековдун элге мээнети сиңген.Кыргыз өлкөсү эле эмес, Орто Азия мүмкүн Европа боюнча өз ишин мыкты билген инсан болушу мүмкүн.Жумабековко тийишпеш керек, ал киши элге керек.Бейшеналиевди лично мен минстр болгонго чейин тааныган да эмесмин.

Antiradikal10

2022-02-03 17:10:27

Бул чал да дооруй берет экен да, Жапаровдорго окшоп...

Кумтор элге кайтты деп калп айтып алышып калпы чыгып элге уят болуп турганда бир сен эле кем элен да. Кумтор мамлекетке кайтса кана далилин?!

Комментарий калтыруу үчүн өз ысымыңыз менен кириңиз же каттоодон өтүңүз.